Vikaas Dar Chhah Feesadi Rahane Ke Aasaar Chidambaram

Breaking »

Vikaas Dar Chhah Feesadi Rahane Ke Aasaar  Chidambaram

Nai Delhi: vittamantri pi Chidambaram ne guruvaar ko kaha ki maujooda vitt varsh mein desh ki vikaas dar badh kar chhah feesadi ho sakti hai, jo gat do varshon ke paanch feesadi se kam rahi hai. Chidambaram ne ek samvaadadaata sammelan ke dauraan yahaan kaha, varsh 2014-15, varsh 2013-14 se behtar rahega. Mujhe lagta hai ki chhah feesadi vikaas dar ka lakshya nirdhaarit kiya ja sakta hai aur ise haasil kiya ja sakta hai. unhonne haalaanki, spasht kiya hai ki sarkaar ne 1 April se shuroo hue maujooda vitt varsh ke liye vikaas dar ka koi lakshya tay naheen kiya hai. Chidambaram ne kaha ki aam chunaav ke baad satta mein aane waali nai sarkaar vikaas ka lakshya tay karegi. keindreeya saankhyiki kaaryaalaya (CSO) ke aankade ke mutaabik, desh ki sakal ghareloo utpaad (GDP) vikaas dar vitt varsh 2012-13 mein 4.5 feesadi rahi thi, jo ek dashak ka nichla star tha. 31 March, 2014 ko samaapt hue kaarobaari saal mein iske 4.9 feesadi rahane ka anumaan jataaya gaya hai.

Vikaas Dar Chhah Feesadi Rahane Ke Aasaar Chidambaram http://www.angrejinews.com/pic/49233