Vijaya Bank Ki Chauthi Timaahi Ka Shuddh Laabh 39 Feesadi Ghata

Breaking »

Vijaya Bank Ki Chauthi Timaahi Ka Shuddh Laabh 39 Feesadi Ghata

Nai Delhi: sarkaari kshetr ke vijaya bank ko March mein samaapt timaahi ke dauraan 135.84 karod rupaye ka shuddh laabh hua, jo pichhle saal ki isi timaahi se 39.3 pratishat kam hai. bank ne Mumbai share baajaar ko bheji soochana mein yeh jaankaari di. Bank ko pichhle saal isi timaahi mein 224.15 karod rupaye ka shuddh laabh hua tha. aalochya timaahi mein bank ki kul aay badhkar 3,029.34 karod rupaye par pahunch gayi, jo pichhle saal isi timaahi mein 2,680.20 karod rupaye rahi thi. March mein samaapt poore vitt varsh ke dauraan bank ka shuddh laabh 28.8 pratishat ghatkar 416.91 karod rupaye raha, jo pichhle saal 585.61 karod rupaye raha tha. poore saal mein bank ki kul aay badhkar 11,416.42 karod rupaye par pahunch gayi, jo isse pichhle saal 9,658.88 karod rupaye rahi thi. isi avadhi mein bank ki gair nishpaadit astiyaan badhkar 2.41 pratishat par pahunch gayeen, jo pichhle saal 2.17 pratishat theen. March mein samaapt timaahi mein bhi bank ki gair nishpaadit astiyaan badhkar 1.55 pratishat par pahunch gayeen, jo pichhle saal ki isi timaahi mein 1.30 pratishat theen. bank ke nideshak mandal ne 10 rupaye ankit moolya ke pratyek share par 10 pratishat athva ek rupaye ka antim laabhaansh dene ka prastaav kiya hai.

Vijaya Bank Ki Chauthi Timaahi Ka Shuddh Laabh 39 Feesadi Ghata http://www.angrejinews.com/pic/49742