Videshi Poonji Bhandaar Kareeb 2 Arab Dollar Badha

Business »

Videshi Poonji Bhandaar Kareeb 2 Arab Dollar Badha

Mumbai desh ka videshi poonji bhandaar (faureks reserve) do May 2014 ko samaapt hue saptaah mein 1.9448 arab dollar badhkar 311.8578 arab dollar darj kiya gaya, jo 18,783.9 arab rupaye ke baraabar hai. Bhaarateeya reserve bank (RBI) ne yeh jaankaari shukravaar ko jaari saaptaahik aankade mein di hai. Videshi poonji bhandaar ka sabse bada ghatak videshi mudra bhandaar (efaseee) is saptaah mein 2.5416 arab dollar badhkar 284.571 arab dollar ho gaya, jo 17,138.3 arab rupaye ke baraabar hai. Bank ke mutaabik videshi mudra bhandaar ko dollar mein vyakt kiya jaata hai aur is par bhandaar mein maujood pound starling, yen jaisi antarraashtreeya mudraaon ke moolya mein hone vaale utaar-chadhaav ka seedha asar padata hai. Is avadhi mein desh ke sone ke bhandaar ka moolya 60.1 karod dollar ghatkar 20.9658 arab dollar raha, jo 1,265 arab rupaye ke baraabar hai. Is dauraan desh ke vishesh nikaasi adhikaar (esadeeaar) ka moolya 30 lakh dollar badhkar 4.4805 arab dollar darj kiya gaya, jo 269.8 arab rupaye ke baraabar hai. Antarraashtreeya mudra kosh (aaiemaef) mein maujood desh ke bhandaar ka moolya aalochya avadhi mein 12 lakh dollar badhkar 1.8405 arab dollar darj kiya gaya, jo 110.8 arab rupaye ke baraabar hai. Indo-asian news service.

Videshi Poonji Bhandaar Kareeb 2 Arab Dollar Badha http://www.angrejinews.com/pic/50158