Vhislabloar Sanrakshan Kaanoon Par Lagi Raashtrapati Ki Muhar

Breaking »

Vhislabloar Sanrakshan Kaanoon Par Lagi Raashtrapati Ki Muhar

Nai Delhi: sarkaar mein bhrashtaachaar ya sarkaari adhikaariyon ki aniyamitataon ko ujaagar karne vaale log ab kisi bhi tarah ke utpeedn se bhayamukt rah sakte hain. bhrashtaachaar ujaagar karne vaale logon yaani 'Vsihlabloars' ki pehchaan gupt rakhane se jude praavadhaan vaale vhislabloar sanrakshan adhiniyam, 2011 ko raashtrapati Pranab mukharji ne shukravaar ko manjoori de di. kaanoon janta ko mantriyon aur lokasevakon dvaara adhikaaron ka jaanboojhkar durupayog karne ke baare mein ya bhrashtaachaar ke baare mein jaankaari ka khulaasa karne ke liye utsaahit karne ki pranaali pradaan karta hai. kaanoon ke anusaar koi vyakti kisi saksham praadhikaar ke samaksh bhrashtaachaar ke maamale mein janahit mein jaankaari saarvajanik kar sakta hai. Filhaal keindreeya satarkata aayog (CVC) saksham praadhikaar hai. Kaanoon kehta hai ki sarkaar adhisoochana jaari karke bhrashtaachaar ke baare mein is tarah ki shikaayatein praapt karne ke liye bhi kisi ko niyukt kar sakti hai. is kaanoon mein jhoothi ya farji shikaayaton ke maamale mein do saal tak ki kaid aur 30,000 rupaye tak ke jurmaane ka praavadhaan hai.

Vhislabloar Sanrakshan Kaanoon Par Lagi Raashtrapati Ki Muhar http://www.angrejinews.com/pic/50475