Vengsarkar Aur Vaadekar Ne Dhoni Ka Bachaav Kiya

Cricket »

Vengsarkar Aur Vaadekar Ne Dhoni Ka Bachaav Kiya

Bhuvaneshvar: Poorv bhaarateeya cricket kaptaan dileep Vengsarkar aur ajit vaadekar ne Budhvaar ko maujooda kaptaan Mahendra Singh Dhoni ka bachaav kiya jinhein team ke kharaab pradarshan ko lekar kaafi aalochna ka saamana karna pad raha hai. Vengsarkar, ajit vaadekar ke saath shahar ke sports club ke svarn jayanti samaaroh mein hissa lene ke liye pahunche. Vengsarkar ne patrakaaron se kaha, ''Is samay keval Dhoni hi form mein hain. Use barkaraar rahana chaahiye. Bhaarat ke paas koi vikalp naheen hai. '' Pakistan ke pradarshan ke baare mein Vengsarkar ne kaha, ''Pakistani team kaafi achha kheli. Mujhe lagta hai ki ve khel ke sabhi vibhaagon mein kaafi achha khele. '' Unhonne kaha, ''Bhaarat ko kaafi sudhaar ki jaroorat hai kyonki England ke saath aagaami match kaafi mahatvapoorn hain. '' bhaarateeya coach dankan Fletcher ko 'Ausat se kam' karaar karte hue unhonne kaha ki team tab se hi haar rahi hai jab se Zimbabwe ka yeh coach team se juda hai. Chayan samiti ke poorv adhyaksh Vengsarkar ne bhaarateeya team ki haaliya asafalataaon ke liye atyadhik cricket ko bhi ek kaaran maana. Vengsarkar ne kaha, ''Kuchh had tak atyadhik match jaise vishv cup, test, van-de aur tee20 bhi iske liye jimmedaar hain. '' vaadekar ne bhi Dhoni ki unke pradarshan ke liye prashansa ki. Unhonne kaha, ''Usane kai maukon par team India ko jeet dilaai hai. '' ek anya poorv kaptaan Rahul Dravid bhi yahaan is kaaryakram mein shirkat karne pahunche.

Vengsarkar Aur Vaadekar Ne Dhoni Ka Bachaav Kiya http://www.angrejinews.com/pic/259