Vauis Minutes Ke Dam Par Aaidiya Ka Praufit 91% Badha

Business »

Vauis Minutes Ke Dam Par Aaidiya Ka Praufit 91% Badha

Mumbai telikaum oparetar aaidiya selyular ne faainainshal iyar 2013-14 ki chauthi timaahi ke liye kansaulideted net praufit mein 91 parseint se jyaada badhotri darj ki. Usaka kansaulideted net praufit badhkar 589.77 karod rupaye ho gaya. Ismein vauis minutes aur mobile deta vaulyoom mein badhotri ka achha yogadaan raha. Company ne ek saal pehle isi avadhi mein 308.18 karod rupaye ka praufit oftar tax haasil kiya tha. January-March kvaurtar ke dauraan company ka kansaulideted revenyoo 16.2 parseint badhkar 7,043.82 karod rupaye raha. Ek saal pehle ke isi peeriyd mein yeh 6,061.38 karod rupaye tha. Timaahi aadhaar par company ne total revenyoo mein 6.5 parseint badhotri darj ki. Saal 2013-14 ki teesari timaahi mein iska revenyoo 6,613.06 karod rupaye tha. Aaidiya selyular ne ek bayaan mein kaha ki faainainshal iyar 2014 ke chauthe kvaurtar mein timaahi dar timaahi aadhaar par 6.5 parseint ki revenyoo growth mein vauis minutes mein 8.6 parseint ki badhotri ka haath raha, jo is dauraan 157.10 arab minutes par pahunch gaye. Iske alaava faainainshal iyar 2014 ki teesari timaahi mein mobile deta vaulyoom jis leval par tha, uske mukaabale ismein 31 parseint ka ijaafa hua aur 2ji tatha 3ji sevaaon ke liye yeh badhkar kul 27.3 arab emabi par pahunch gaya. Saalaana aadhaar par kansaulideted net praufit 94.65 parseint uchhalakar 1,967.82 karod rupaye par pahunch gaya, jo faainainshal iyar 2013 ke ant mein 1,010.93 karod rupaye tha. Kansaulideted revenyoo mein 18 parseint se jyaada badhotri hui. Yeh faainainshal iyar 2013 ke 22,457.65 karod rupaye se badhkar 26,518.91 karod rupaye ho gaya. Faainainshal iyar 2014 ke dauraan company ke paas 1.77 karod aiktiv sabsakraaibars the, jabki pichhle vitt varsh mein yeh aankada 1.49 karod sabsakraaibars ka tha. Company ke liye sabsakraaibar se evarej revenyoo kvaurtarli basis par 169 rupaye se badhkar 173 rupaye ho gaya. Kastamars se aivarej revenyoo prati minute 2.8 parseint ghatkar 43.6 paise ho gaya, jo 44.9 paise tha. Haalaanki company naun-vauis revenyoo share ko teesari timaahi ke 16.1 parseint ke leval se badhaakar 16.5 parseint karne mein kaamayaab rahi.

Vauis Minutes Ke Dam Par Aaidiya Ka Praufit 91% Badha http://www.angrejinews.com/pic/48952