Vaseem Jaafar Ke Bhateeje Ne Kheli 473 Ranon Ki Mairaathan Paari

Cricket »

Vaseem Jaafar Ke Bhateeje Ne Kheli 473 Ranon Ki Mairaathan Paari

Mumbai: Bhaarateeya cricket team ke poorv salaami ballebaaj aur Mumbai ke liye ghareloo cricket mein lambe samay se run-machine kahe jaate rahe vaseem jaafar ke khaanadaan mein ek aur chamatkaari ballebaaj bhi hai, jisne guruvaar ko hairis shield intar-school tournament mein 473 ranon ki pahaad jaisi paari kheli, jo ab is pratiyogita ka uchchatam score hai. Vaseem jaafar ke bhateeje aramaan ne guruvaar ko maatunga jimkhaana maidaan par apne school rijvi springafeeld ki or se aaiies VN sule guruji school ke khilaaf khelte hue 437 minute tak kreej par tike rahakar 359 geindon ka saamana kiya, aur 65 chaukon aur 16 chhakkon ki madad se 473 run thoke. 14-varsheeya aramaan ne heraamb parab ki geind par out hone ke baad thodi-si naakhushi bhi jataai ki vah 500 ka aankada naheen chhoo paaya, lekin kaha ki pichhla record todkar achha lag raha hai. Aramaan jaafar ke mutaabik ballebaaji karte vakt use ranon aur record ka dhyaan naheen aaya tha, aur vah apne khel ka poora maja le raha tha. Hairis shield tournament mein isse pehle sarvaadhik run banaane ka record sarafaraaj Khan ke naam darj tha, jisne November, 2009 mein rijvi springafeeld ki or se khelte hue hi 439 run banaae the. Usase bhi pehle yah record aramaan ke chaacha vaseem jaafar ke hi naam par tha, jinhonne 1992-93 mein anjuman-A-islaam ki or se maaravaadi vidyaalaya ke khilaaf khelte hue naabaad 400 run banaae the. Vaise aramaan jaafar ko shuroo se hi lambi paariyaan khelne ke liye jaana jaata hai, aur usane varsh 2010 mein gaails shield tournament ke dauraan raaja shivaaji school ki or se ballebaaji karte hue 498 run ki paari kheli thi.

Vaseem Jaafar Ke Bhateeje Ne Kheli 473 Ranon Ki Mairaathan Paari http://www.angrejinews.com/pic/1937