Varanasi Narendra Modi Ke Kaaryakramon Ke Liye Di Arjiyaan Bhaajapa Ne Vaapas Leen, Kaha, Taiyaari Ka Samay Naheen

India »

Varanasi  Narendra Modi Ke Kaaryakramon Ke Liye Di Arjiyaan Bhaajapa Ne Vaapas Leen, Kaha, Taiyaari Ka Samay Naheen

Narendra Modi ki file tasveer Narendra Modi ki file tasveer Varanasi: BJP ke PM pad ke ummeedavaar Narendra Modi ko guruvaar ko unke chunaav kshetr Varanasi mein prastaavit rally ko prashaasan ne pehle manjoori se inkaar karne ke baad ijaajat de di hai. NDTV ke mili jaankaari ke anusaar Narendra Modi ko is baat ki ijaajat de di gayi hai. Bataaya ja raha hai ki jila prashaasan ne tamaam kaaryakramon ke sthal parivartan ki baat kahi hai. Kaha yeh bhi ja raha hai ki bhaarateeya janta party is baat ke liye taiyaar naheen hai. Vaheen, khabar hai ki bhaajapa ne prashaasan ko di gayi kaaryakramon ki sabhi arjiyaan vaapas le li hain. Bhaajapa ka kehna hai ki ab kaaryakramon ki taiyaari ke liye samay naheen bacha hai. Kaha ja raha hai ki Narendra Modi ab rod sho hi kareinge. isse pehle Modi ko ganga ki pooja karne aur kareeb 150 logon ke saath chhoti baithak karne ki bhi ijaajat naheen di gayi thi. Iska seedha arth hai ki Varanasi mein Modi apne chunaav kshetr mein koi bhi janasanpark ka kaaryakram naheen kar paate. BJP ne is faisale ka kada virodh kiya aur kaha ki agar yeh pratibandh shaam tak vaapas naheen liya jaata hai, to vah iske khilaaf pradarshan karegi. BJP ne raajya ki sattaadhaari samaajavaadi party par aarop lagaate hue is faisale ko aashcharyajanak aur asveekaarya bataaya tha. BJP ke varishth neta arun jetali ne chunaav aayog se Varanasi ke chunaav adhikaari ko vaapas bulaae jaane ki maang ki hai. jetali ne aarop lagaaya ki Varanasi Loksabha seat se chunaav adhikaari ke roop mein kaam karne vaale jila magistrate rally ke liye suraksha manjoori dene ke sandarbh mein 'Avishvasaneeya bahaana' bana rahe hain. Unhonne kaha ki rally kisi bhi ummeedavaar ka adhikaar hai. gaurtalab hai ki Modi ka guruvaar shaam mein beniyaabaag mein chunaavi rally ko sambodhit karne ka kaaryakram tha. Vah Varanasi ke graameen ilaake rohaaniya mein bhi ek rally ko sambodhit karne vaale the. Adhikaariyon ne kaha ki beniya baag mein rally ko is aadhaar par roka gaya ki yeh bheedbhaad vaala hai aur rallyan nikaalne ke liye upayukt naheen hai. Unhonne kaha ki prashaasan ko aam logon se aisa aagrah mila tha ki suraksha khataron ke maddenajar aise kshetron mein rally ki anumati naheen di jaani chaahiye. Varanasi mein 12 May ko matadaan hona hai. Modi ke khilaaf yahaan aam aadmi party ke sanyojak Arvind Kejriwal aur Congress ke Ajay rai chunaav maidaan mein hain. (input bhaasha se bhi)

Varanasi Narendra Modi Ke Kaaryakramon Ke Liye Di Arjiyaan Bhaajapa Ne Vaapas Leen, Kaha, Taiyaari Ka Samay Naheen http://www.angrejinews.com/pic/49898