Varanasi Mein Modi Ke Liye Naatak Karne Se Kalaakaar Ka Inkaar

Breaking »

Varanasi Mein Modi Ke Liye Naatak Karne Se Kalaakaar Ka Inkaar

Varanasi: ek kalaakaar ne raashtreeya swayamsevak sangh (RSS) ki saanskrutik shaakha sanskaar bhaarati ki taraf se Varanasi mein bhaarateeya janta party (BJP) ke pratyaashi Narendra Modi ke paksh mein karaae ja rahe nukkad naatak 'Namo namo mantra' mein kaam karne se inkaar kar diya hai. rangamanch kalaakaar harishchandr paal ne shanivaar ko bataaya ki lakshya naatya kalaamanch ke saathiyon ne 'Namo namo mantra' mein abhinay karne ke liye 17 April ko bulaaya tha. Paal ne bataaya, 'Naatak mein mujhe Arvind Kejriwal ki bhoomika di ja rahi thi, jismein tamaam aapattijanak samvaad the, jisse main asahamat tha. ' paal ne aage bataaya, 'Naatak mein Kejriwal ka kirdaar kisi sabha mein jaane se pehle poochhata hai ki ande, tamaatar aur patthar feinkane vaale ladkon ki vyavastha ho gayi hai? ' unhonne kaha, 'Is tarah ke samvaad bol paana mere liye kathin tha. Meri aatma ne iski anumati naheen di aur mainne naatak mein kaam karne se inkaar kar diya. Naatak mein yeh dikhaane ka prayaas ho raha hai ki aam aadmi party ke netaaon par hamle praayojit hain aur party khud kara rahi hai, lekin main isse sahamat naheen hoon. Main Kejriwal ko jaanta hoon. Paise ke liye main apni aatma naheen bech sakta. ' gaurtalab hai ki Varanasi mein Modi ke paksh mein is nukkad naatak ki 20 April se lekar ab tak 26 prastutiyaan ho chuki hain. is baare mein lakshya naatya kala manch ke upaadhyaksh Ajay raushan ne kaha ki paal ne samayaabhaav ke kaaran naatak mein kaam karne se inkaar kiya tha. Raushan ne haalaanki sveekaar kiya ki Modi ke paksh mein naatak karne ko lekar sanstha mein matabhed raha hai aur aaj bhi matabhed hai, lekin kuchh aparihaarya kaaranon se antat: Naatak karne ka nirnaya liya gaya. Varanasi mein Loksabha chunaav ke antim charan ke tahat 12 May ko matadaan hona hai. Yahaan Gujarat ke mukhyamantri Narendra Modi aur Delhi ke poorv mukhyamantri Arvind Kejriwal (aam aadmi party) ke beech kaante ki takkar hai. Congress ke Ajay rai, sapa ke Kailash chaurasiya, basapa ke vijay jaayasavaal, maakapa ke heeraalaal Yadav aur Trinamool Congress ki indira tivaari bhi chunaav maidaan mein hain.

Varanasi Mein Modi Ke Liye Naatak Karne Se Kalaakaar Ka Inkaar http://www.angrejinews.com/pic/49462