Varanasi Mein Daftar Par Chhaape Se Naaraaj BJP, Jabt Prachaar Saamagri Lautaaega Chunaav Aayog

Breaking »

Varanasi Mein Daftar Par Chhaape Se Naaraaj BJP, Jabt Prachaar Saamagri Lautaaega Chunaav Aayog

Varanasi: Varanasi sansadeeya seat par romaanchak mukaabale ke tahat somvaar ko hone vaale matadaan se ek din pehle ravivaar ko uttar pradesh police aur chunaav aayog ke adhikaariyon ne shahar sthit BJP ke kshetreeya kaaryaalaya par chhaapa maara aur prachaar saamagri jabt ki. Lekin BJP ke virodh ke baad shaam ko ye saamagri vaapas lauta di gayi. is par BJP ki or se kada virodh jataaya gaya. BJP ka kehna hai ki prashaasan jaanboojhkar party ko pareshaan kar raha hai. BJP neta arun jetali ne kaha hai ki aakhir kyon ek hi party ko aise chhaape ke liye chuna gaya. Varanasi sansadeeya seat par BJP ke pradhaanamantri pad ke ummeedavaar Narendra Modi ke khilaaf Congress ke Ajay rai aur aam aadmi party ke sanyojak Arvind Kejriwal sahit kai ummeedavaar chunaav maidaan mein hain. Adhikaariyon ne kaha ki yeh kaarravaai chunaav prachaar saamagri jabt karne ke liye ki gayi, kyonki use soochana mili thi ki sigra sthit BJP kaaryaalaya se bhaari maatra mein aisi saamagri bheji ja rahi hai, jabki prachaar abhiyaan par pratibandh laga hua hai. (agency input ke saath)

Varanasi Mein Daftar Par Chhaape Se Naaraaj BJP, Jabt Prachaar Saamagri Lautaaega Chunaav Aayog http://www.angrejinews.com/pic/50262