Van-ranking Mein Fir Sheersh Par Pahunch Gayi Team India

Cricket »

Van-ranking Mein Fir Sheersh Par Pahunch Gayi Team India

Dharmashaala: Bhaarat ne mehmaan England team ke khilaaf paanch maichon ki shrunkhala mein 3-2 se jeet darj karke ICC ek-divseeya ranking mein fir number ek ka sthaan haasil kar liya hai. Bhale hi Bhaarat Himachal pradesh ke dharmashaala mein khele gaye paanchavein aur aakhiri match mein saat wicket se haar gaya tha, lekin vah pehle hi shrunkhala mein Ajay badhat haasil kar chuka tha. Bhaarat ne is shrunkhala ki shuruaat 117 ankon ke saath teesare sthaan par rahate hue ki thi, lekin ab uske 119 ank hain, aur vah ICC van-de championship taalika mein sheersh par kaabij hai. Shrunkhala ki shuruaat mein England ke 121 renting ank the, lekin ab uske Bhaarat ke samaan 119 ank hain. Haalaanki Bhaarat dashamlav mein ganana karne par England ki tulana mein 0.2 se aage hai. Bhaarat ne 19 January ko khela gaya shrunkhala ka teesara match jeetne ke saath hi number ek ranking haasil kar li thi, aur us vakt vah varsh 2009 ke baad pehli baar number ek ke saathaan par pahuncha tha. Is beech New Zealand ki dakshin Africa par 2-1 se hui jeet ka bhi Bhaarat ko faayda mila. Is haar se dakshin Africa ne nau rating ank ganvaae aur vah chauthe sthaan par khisak gaya. Australia taalika mein teesare sthaan par hai. Vaise sheersh par kaabij Bhaarat aur chhathe sthaan par maujood Pakistan ke beech keval 12 rating ankon ka antar hai, isliye Reliance ICC van-de shield aur ek lakh 75 hajaar dollar ke nakad puraskaar ke liye kadi pratidvandvita hai. Jo team bhi 1 April, 2013 ko taalika mein sheersh par hogi, yeh puraskaar use hi milega.

Van-ranking Mein Fir Sheersh Par Pahunch Gayi Team India http://www.angrejinews.com/pic/377