Valentine De Par 'Satyaagrah Ki Shooting Mein Vyast Hongi Kareena

Movies »

Valentine De Par 'Satyaagrah Ki Shooting Mein Vyast Hongi Kareena

Mumbai: Bollywood abhinetri Kareena Kapoor 14 February ko valentine de par nirdeshak prakaash jha ki film 'Satyaagrah' ki shooting mein vyast raheingi. Kareena chaar maheene pehle hi abhineta saif Ali Khan ke saath vivaah bandhan mein bandhi hain. Kareena ne Budhvaar ko ek samaaroh mein patrakaaron se kaha, is saal main valentine de par amit ji (Amitabh Bachchan), Ajay devagan aur prakaash jha ke saath rahoongi. Yah poochhe jaane par ki is mauke par vah saif ko kya tohafa deingi, Kareena ne kaha, is saal saif ko mujhe tohafa dena padega, mainne unhein October mein unki jindagi ka sabse bada tohafa diya tha. Ab main unki begam hoon to unhein mujhe tohafa dena chaahiye. Kareena heeron ki shaukeen hain aur unka kehna hai ki tohafe dene ke liye koi din tay naheen hota. Saif jab chaahein mujhe bataur tohafa heeron ka koi gahana day sakte hain. Ye poochhe jaane par ki kya heera saif ke bajat par bhaari padega, Kareena ne kaha, ye savaal aapko unase hi poochhana chaahiye, lekin ab jabki 'Race-2' hit ho chuki hai mujhe naheen lagta unako bajat ki samasya hogi.

Valentine De Par 'Satyaagrah Ki Shooting Mein Vyast Hongi Kareena http://www.angrejinews.com/pic/1400