Vajpayee Ki Raajaneeti Abhootapoorv, Modi Karein Anusaran Pak Akhbaar

World »

Vajpayee Ki Raajaneeti Abhootapoorv, Modi Karein Anusaran Pak Akhbaar

Karachi Bhaarat ke poorv pradhaanamantri atal bihaari Vajpayee ka guruvaar ko lambi beemaari ke baad nidhan ho gaya. Unke nidhan ke baad se duniyaabhar se pratikriyaaon ka daur jaari hai. Isi kram mein Pakistani akhbaaron ne bhi unhein yaad kiya aur Bhaarat-Pak sambandh ko sudhaarane mein unke prayaason ki saraahana ki. Karachi ke ek dainik akhbaar ne shanivaar ko likha ki Bhaarat ke vartamaan pradhaanamantri Narendra Modi ko unki raajaneeti ka anusaran karna chaahiye, jo ki dakshin Asia mein abhootapoorv thi. 'Don' akhbaar ne shanivaar ke apne sampaadkeeya mein kaha, 'Vajpayee ne nirvivaad roop se tatkaaleen Pak PM navaaj shareef ke nimantran par bas se yaatra kar mahaan saahas aur ddashti ka parichay diya tha. Parmaanu hathiyaar sampann pratidvandviyon ke beech sambandhon ko saamaanya karne ke liye February 1999 mein do pradhaanamantriyon ke beech Lahore ghoshana-patra pichhle do dashakon ke dauraan ek uchch avastha rahi hai. ' Akhbaar ne kaha hai ki Modi ne Budhvaar ko svatantrata diwas ke apne sambodhan mein Kashmir ke prati apna ddashtikon jaahir karne ke baavajood Pakistan ko ek satat aur saarthak tareeke se us prakriya mein shaamil karne ki koi ichha naheen dikhaai. Akhbaar ne kaha hai, 'Aisi aasha thi ki BJP aur Bhaarat Vajpayee ke Pakistan path par laut sakte hain. ' akhbaar ne kaha hai ki Bhaarat ki raajaneeti Vajpayee ke kad vaale ek sachche raajaneta aur raashtreeya neta ko paida karne ke liye sangharsh kar raha hai. Kyonki Vajpayee ne raajaneetik kaushal aur sangathan ke saath ek durjeya buddhi ko jodakar raajaneetik mukhyadhaara ko vyaapak kiya tha. Don ne kaha, 'Vajpayee ne ek aisi raajaneeti ka pratinidhitv kiya, jiske udaaharan unke pehle dekhne ko naheen mile the. ' akhbaar ne kaha hai ki May 1998 mein paanch parmaanu pareekshan karne ke pradhaanamantri Vajpayee ke nirnaya ko koi shaanti samarthak samarthan naheen kar sakta. Lekin Pakistan ke pariprekshya se, pokaran-2 parmaanu pareekshan ne dakshin Asia mein parmaanu sashastreekaran ke ek yug ka sootrapaat kiya aur hamesha ke liye is kshetr ke suraksha sameekaranon ko badalkar rakh diya.

Vajpayee Ki Raajaneeti Abhootapoorv, Modi Karein Anusaran Pak Akhbaar http://www.angrejinews.com/pic/218997