Vadodara Se Varanasi Pahunchane Par Narendra Modi Ki Sampatti 14 Lakh Rupaye Badhi

Breaking »

Vadodara Se Varanasi Pahunchane Par Narendra Modi Ki Sampatti 14 Lakh Rupaye Badhi

File photo File photo Varanasi: bhaajapa ke pradhaanamantri pad ke ummeedavaar Narendra Modi ne 1.65 karod rupaye ki apni kul sampatti hone ka guruvaar ko khulaasa kiya jo pakhavaade bhar pehle hi vadodara Loksabha seat ke liye ki gayi unki ghoshana se 14.34 lakh rupaye adhik hai. Gujarat ke mukhyamantri ki sampatti unke mukhya pratidvandi evam aam aadmi party ke ummeedavaar Arvind Kejriwal se 68 lakh rupaye adhik hai, jinhonne kal ghoshana ki thi ki unke paas 96.25 lakh rupaye ki sampatti hai. haalaanki, Delhi ke poorv mukhyamantri evam unki patni sunita ki sanyukt roop se chal evam achal sampatti 2.14 karod rupaye ki hai. Varanasi seat ke liye daakhil kiye gaye Modi ke halafanaame ke mutaabik unki sampatti mein vruddhi haath mein adhik nakadi aane aur unka bank baileins badhne se hui hai. vadodara mein halafanaame mein sampatti ki ghoshana kiye jaane ke baad se bhaajapa neta ke paas nakadi mein 3,000 rupaye ki vruddhi hui hai jabki bank baileins mein kareeb 14 lakh rupaye ki vruddhi hui hai. Shesh donon dastaavej ka anya tamaam byaura samaan hai. Modi ki patni jashodaaben ke vitteeya evam anya byore ke baare mein vaaraanaasi mein daakhil kiye gaye halafanaame mein 'Jaankaari naheen' hone ki baat kahi gayi hai. Jaisa ki pehle ke halafanaame mein bhi kaha gaya tha. Halafanaame mein is baat ka jikr hai ki Modi ke naam se Varanasi mein ek chunaav bank khaate mein 21 April ko 5,000 rupaya jama hai. Jabki unke vadodara chunaav khaate mein 25.52 lakh rupaye jama hai. Halafanaame mein Gujarat shahar ke anya vibhinn khaaton ka bhi jikr kiya gaya hai. halafanaame ke mutaabik Modi ke paas haath mein kul nakad raashi 32, 700 rupaye, bank jama 26.05 lakh rupaya aur saavadhi jama 32.49 lakh rupaya hai. Unke nivesh mein aayakar bachaane vaale 20,000 rupaye ke L end ti infra baund aur 4.34 lakh rupaye ke daak bachat tatha beema paulisi shaamil hai. Unke paas sone ki chaar angoothiyaan bhi hain, jinki keemat 1.35 lakh rupaya hai jabki unhein aayakar rifand ke taur par 2011-12 mein 54, 403 rupaye aur 2012-13 mein 61,065 rupaye praapt hue. apni patni ke vitteeya byore ke baare mein halafanaame mein 'Jaankaari naheen' ka jikr hai jabki unke (patni ke) peshe ya vyavasaaya ke baare mein bhi yahi bataaya gaya hai. apne liye Modi ne apna pesha 'Saarvajanik jeevan, raajaneetik gatividhi' bataaya hai. apni achal sampatti ke roop mein Modi ne Gandhinagar mein ek karod rupaya baajaar moolya ka ek aavaaseeya bhookhand ka maalikaana hak rakhane ki ghoshana ki hai. Halafanaame ke mutaabik Modi ne koi rin naheen le rakha hai na hi un par koi bakaaya hai. unhonne apne khilaaf koi maamala lambit naheen hone ki bhi baat kahi hai. halafanaame mein vitteeya varsh 2012-13 ke liye daakhil kiye gaye aayakar return ke mutaabik Modi ki aay 4,54,094 rupaye bataai gayi hai jabki 2012 ke Gujarat vidhaanasabha chunaav se pehle Modi dvaara daakhil kiye gaye halafanaame ke mutaabik vitteeya varsh 2011-12 ke liye unki aay 1,50,630 rupaye hai. Halafanaame ke mutaabik Modi ke paas koi vaahan naheen hai. Iske alaava Modi ne koi pasarnal loan, kisi vyakti ya company ko agrim raashi naheen di hai. vaheen, Kejriwal se jude chhah maamale hain jo vibhinn adaalaton mein lambit hain.

Vadodara Se Varanasi Pahunchane Par Narendra Modi Ki Sampatti 14 Lakh Rupaye Badhi http://www.angrejinews.com/pic/48495