Vaarta Ke Baavajood, Shatruta Khatm Karne Ke Liye Kisi Nishkarsh Par Ab Tak Naheen Pahunche Afghan Taliban

World »

Vaarta Ke Baavajood, Shatruta Khatm Karne Ke Liye Kisi Nishkarsh Par Ab Tak Naheen Pahunche  Afghan Taliban

Islamabad, 10 February (bhaasha) Afghan Taliban ne kaha hai ki America aur anya kshetreeya shaktiyon ke saath jaari vaartaaon ke baavajood ab tak aise kisi nishkarsh par naheen pahuncha gaya hai jisse America aur uske sahayogiyon ke khilaaf vaimanasya tatkaal khatm ho sake. Media ki ek khabar mein yeh baat kahi gayi hai. Don news TV ne Taliban ke pravakta jabeeullaah mujaahid ko yeh kehte hue uddhrut kiya hai ''Ham yuddh ke liye baadhya hain. Hamaare shatru ham par hamla kar rahe hain, to fir ham bhi unase lad rahe hain. '' 2001 mein 9/11 ke aatanki hamle ke baad America ki aguvaai mein gathabandhan senaaon ne Afghanistan mein Taliban ke khilaaf atikraman kiya. Tab se ab tak Taliban filhaal yuddh prabhaavit Afghanistan mein sarvaadhik shaktishaali hai aur desh ke kareeb aadhe hisse mein usaka niyantran hai. pichhle maah doha mein Taliban ke pratinidhiyon ke saath chhah din ki baatcheet ke baad tweet ki ek shrrunkhala mein 'Afghanistan sulah sahamati' ke liye vishesh ameriki pratinidhi jaalame khaleelajaad ne kaha ki America ne Taliban ke saath shaanti vaartaaon mein ''Ullekhaneeya pragati'' ki hai. khaleelajaad ne kaha tha ''Humne fremavark ka ek masauda banaaya hai lekin ise samjhaute ka roop dene se pehle is par vichaar karna hoga. '' unhonne kaha tha ''Taliban hamaari santushti ke liye, Afghanistan ko antararaashtreeya aatankvaadi samoohon ya logon ke liye ek manch banane se rokane ke liye aavashyak kadam uthaane ki khaatir pratibaddh hai. '' khaleelajaad ki niyukti September mein hui thi. Tab se vah America ke is sabse lambe yuddh ko khatm karne ki koshish mein sabhi pakshon se mil chuke hain. 17 saal se adhik samay se chal rahe is yuddh mein America 2,400 se adhik sainikon ko ganva chuka hai. channel ki khabar ke anusaar, mujaahid ka kehna hai ki Moscow vaarta mein bhi aisa kuchh thos haasil naheen hua jiske chalte vah yuddh aur sainya dabaav ko khatm kar paate. unhonne jor de kar kaha ki America ke saath Taliban unki apni pahal par baatcheet kar raha hai. channel ke mutaabik, vaarta ke samay ke baare mein poochhe gaye ek savaal par ugravaadi commander ne kaha ki ameriki atikraman se pehle bhi Taliban ne Washington se yuddh ke bajaay vaarta karne ke liye kaha tha. mujaahid ne kaha ki unhonne baatcheet ke liye 2013 mein Qatar ke doha mein ek raajaneetik kaaryaalaya bhi khola lekin Washington tab baatcheet karne ka ichhuk naheen tha. pravakta ne kaha ki ab America baatcheet ka ichhuk hai to unhonne unase vaarta ka faisala kiya. Taliban ko vaarta ke liye raaji karaane mein Pakistan ki bhoomika ke baare mein poochhe jaane par mujaahid ne kaha ''Kisi baahari desh ki or se koi bhoomika naheen nibhaai ja rahi hai. Yeh hamesha se hamaari pahal aur neeti rahi hai. '' usane haalaanki kaha ki soviyt atikraman ke dauraan Pakistan Afghan sharanaarthiyon ke liye mahatvapoorn kendra raha hai.

Vaarta Ke Baavajood, Shatruta Khatm Karne Ke Liye Kisi Nishkarsh Par Ab Tak Naheen Pahunche Afghan Taliban http://www.angrejinews.com/pic/253906