Uttaraakhand Mein Bas Ke Khaai Mein Girne Se 17 Ki Maut, Paanch Jakhmi

Breaking »

Uttaraakhand Mein Bas Ke Khaai Mein Girne Se 17 Ki Maut, Paanch Jakhmi

Gopeshvar (uttaraakhand): uttaraakhand ke chamoli jile mein aaj ek niji bas gahari khaai mein gir gayi, jisse usamein savaar saat mahilaaon sahit kam se kam 17 logon ki maut ho gayi aur paanch anya jakhmi ho gaye. chamoli ke jila aapada prabandhan adhikaari nand kishor Joshi ne kaha ki 15 logon ki ghatnaasthal par hi maut ho gayi aur do logon ki maut aspataal le jaate vakt raaste mein ho gayi. police ne ek adhikaari ne kaha ki bas ke girne ka prabhaav itna jyaada tha ki uske tukade-tukade ho gaye. Unhonne kaha ki risheekesh se ghaat jaate samay nandaprayaag ghaat ke paas tej dhalaan par bas dopahar paune ek baje 300 meter gahari khaai mein gir gayi. Us vakt vah apne gantavya se kareeb aadhe kilometer ki hi doori par thi. Unhonne kaha ki paanch jakhmi logon ka upachaar chamoli ke jila aspataal mein kiya ja raha hai. Unhonne kaha ki bas mein savaar logon mein adhiktar ghaat prakhand ke gaanv ke rahane vaale the. uttaraakhand ke mukhyamantri hareesh raavat aur raajyapaal ajeej kuraishi ne is dukhad durghatana par gahra shok jataaya hai. Ghaayal logon ke jald theek hone ki kaamna karte hue raavat ne sambandhit adhikaariyon se kaha ki chamoli ke jila aspataal mein bharti jakhmi logon ke upachaar ke liye sabhi suvidhaaen muhaiya karaai jaaen.

Uttaraakhand Mein Bas Ke Khaai Mein Girne Se 17 Ki Maut, Paanch Jakhmi http://www.angrejinews.com/pic/50191