Umar Ne Modi Se Kaha, 'Aapke Paas Kashmir Aane Ki Himmat Naheen

Breaking »

Umar Ne Modi Se Kaha, 'Aapke Paas Kashmir Aane Ki Himmat Naheen

Nai Delhi: BJP ke PM ummeedavaar Narendra Modi aur Jammu Kashmir ke mukhyamantri umar abdulla evam unke pita Faruk abdulla ke vaak yuddh jaari hai. Faruk aur umar ne Narendra Modi par teekha prahaar karte hue kaha ki Modi ka iraada samvidhaan ke anuchhed 370 ko nirast karna hai, jismein Jammu aur Kashmir ko vishesh raajya ka darja diya gaya hai. Unhonne jor diya ki ise raajya ke log kabhi sveekaar naheen kareinge. umar ne shreenagar mein kaha, 'Modi saahab, aapke paas Kashmir mein aakar vote maangane ka saahas naheen hai. Aap desh ka pradhaanamantri banane nikle hain, lekin aap Kashmir aakar vote maangane naheen aaenge. ' unhonne kaha, 'Aap Jammu aur Laddakh jaaenge, lekin ghaati naheen jaaenge, kyonki is sthaan ke baare mein aapki ek rai hai aur jis tarah se aapne logon ko badnaam kiya hai. Mujhe naheen lagta aapke dil mein inke liye koi sthaan hai. ' umar ne twitter par likha, 'Modi bhool rahe hain ki shekh abdulla ne muslim Pakistan ki bajaay dharmanirpeksh Bhaarat ko chuna aur fir do dashak kaid mein rahe par kabhi jhuke naheen. ' mukhyamantri ne kaha ki BJP sirf raajaneetik faayde ke liye Kashmiri panditon ke dard ka istemaal karti hai aur Jammu mein ek chunaavi rally mein Modi ka bhaashan iska saboot hai. umar ne kaha ki Kashmiri panditon ke Kashmir chhodkar jaane ke mudde par Modi ka bayaan Kashmiri avaam ki tauheen hai. Mukhyamantri ne samvaadadaataaon se baatcheet mein kaha, 'Jab Kashmiri panditon ne ghaati chhodi us vakt jagamohan raajyapaal ke taur par raajya ka shaasan sanbhaal rahe the aur Faruk saahab satta mein naheen the. Jahaan tak mujhe pata hai jagamohan ne ab bhi BJP se apna naata naheen toda hai. ' umar ne samvaadadaataaon se kaha, 'Jagamohan ko VP Singh cabinet mein gruh mantri rahe mufti mohammad Saeed (jo abhi peedeepi sanrakshak hain) ne raajyapaal niyukt kiya tha. VP Singh BJP ke samarthan se sarkaar chala rahe the. . . Main ummeed karta hoon ki BJP ke netaaon ko yeh baat yaad hogi. ' umar ne kaha, 'Kashmiri panditon ko nikaale jaane ki ghatna par jyaadaatar Kashmiri musalmaan dukhi hain aur ve unhein vaapas bulaana chaahate hain Modi ne is bayaan se Kashmiri avaam ki tauheen ki hai. ' gaurtalab hai ki Faruk abdulla ke bayaan par palatavaar karte hue aaj Modi ne kaha tha ki shekh abdulla, Faruk aur unke bete umar ki neetiyaan raajya ki raajaneeti ke saanpradaayikran aur dharm ke aadhaar par Kashmiri panditon ko baahar nikaalne ki ghatna ke liye jimmedaar hain. (padhein- Modi ka Faruk par palatavaar) isse pehle Kashmir ki sattaaroodh national conference party ke pramukh Faruk abdulla ne ravivaar ko bayaan diya tha ki Modi samarthakon ko samandar mein doob marana chaahiye. (padhein) yeh poochhe jaane par ki kya vah Faruk ke bayaan ka samarthan karte hain, is par umar ne kaha ki unka bayaan BJP ke ek neta ki us tippani ke sandarbh mein tha, jismein kaha gaya tha ki Modi ke virodhiyon ko Pakistan jaana hoga. Unhonne kaha, 'Is par faisala chunaav aayog ko karna hai. ' ek savaal ke javaab mein mukhyamantri ne kaha ki unke pita ki is tippani mein kuchh bhi galat naheen hai ki Kashmir saampradaayik Bhaarat ka hissa naheen hoga. Umar ne kaha, 'Vah (Faruk) bevakoof naheen hain. Unhonne yeh naheen kaha ki agar Modi pradhaanamantri bante hain to Kashmir Bhaarat ka hissa naheen hoga. Unhonne kaha ki Kashmir saampradaayik Bhaarat ka hissa naheen hoga aur mujhe ismein kuchh bhi galat naheen dikhta. '

Umar Ne Modi Se Kaha, 'Aapke Paas Kashmir Aane Ki Himmat Naheen http://www.angrejinews.com/pic/48907