Umar Aur Mahbooba Ne Kendra Se Poochha, 'Kashmir Mein Kyon Naheen Ho Sakti Alagaavavaadiyon Se Baat?

India »

Umar Aur Mahbooba Ne Kendra Se Poochha, 'Kashmir Mein Kyon Naheen Ho Sakti Alagaavavaadiyon Se Baat?

Shreenagar Jammu-Kashmir ke poorv CM umar abdulla ne ek baar fir alagaavavaadiyon se baatcheet ki vakaalat karte hue kaha ki agar sena pramukh Afghanistan mein Taliban se baat karne ki vakaalat kar sakte hain to Kashmir mein alagaavavaadiyon se baatcheet ki pahal kyon naheen ho sakti. Umar abdulla ke alaava mahbooba mufti ne bhi kendra sarkaar se maang ki ki vah Kashmir ke mudde par hurriyat samet anya pakshakaaron se baatcheet ki pahal kare. Jammu-Kashmir ke in donon netaaon ke bayaan se pehle sena pramukh raavat ne raayaseena dialogue mein Afghanistan ki shaanti prakriya par kaha ki Taliban se baatcheet honi chaahiye, lekin yeh bina kisi shart ke honi chaahiye. Is bayaan ke baad umar abdulla ne tweet karte hue kaha,''Ham Taliban ke saath vaarta, Tibet aur Sri Lanka ke tamil kshetron ki svaayattata ki vakaalat karte hain lekin saath hi Jammu Kashmir mein kisi samvaad ya raajaneetik pahal ke ichhuk naheen hain. Isliye hamaari neeti hai jaisa ki ham kehte hain vaisa karo lekin jaisa ham karte hain vaisa na karo. Taliban ke liye baatcheet, Kashmir ke liye operation all-out. ' Umar abdulla ne tweet kar poochhe savaal Mahbooba ne ki Pakistan se baatcheet ki vakaalat Isse pehle mahbooba ne ek tweet mein kaha, 'Agar sena pramukh Taliban ke saath vaarta ki vakaalat kar sakte hain to hamaare apne logon ki baat aane par alag maanadand kyon apanaae jaate hain? ' mahbooba ne apne tweet mein kaha ki kendra ko Pakistan ki or se baatcheet ki peshakash sveekaar karni chaahiye aur raajya mein hinsa ko khatm karne ke liye hurriyat conference ke saath bhi vaarta ki prakriya shuroo karni chaahiye. Mahbooba ne kiya tweet Shaanti ke liye hurriyat aur anya pakshakaaron se ho baat Unhonne kendra se appeal karte hue kaha ki Bhaarat sarkaar ko Pakistan ke saath shaanti ki peshakash sveekaar karni chaahiye. Iske alaava Jammu-Kashmir mein hinsa ka dushchakr khatm karne ke liye hurriyat aur anya pakshakaaron ke saath vaarta ki pahal bhi karni chaahiye. Bata dein ki poorv mein Jammu-Kashmir mein BJP ke samarthan se CM rahi mahbooba ne pehle bhi kendra se Kashmir ghaati mein baatcheet shuroo karaane ki appeal ki thi.

Umar Aur Mahbooba Ne Kendra Se Poochha, 'Kashmir Mein Kyon Naheen Ho Sakti Alagaavavaadiyon Se Baat? http://www.angrejinews.com/pic/246799