Ukraine Mein Sena Mein Anivaarya Bharti Shuroo Karne Ka Aadesh

Breaking »

Ukraine Mein Sena Mein Anivaarya Bharti Shuroo Karne Ka Aadesh

Keev: Ukraine ke poorvi hisse mein Moscow samarthit vidroh ke failane se poorv soviyt ganaraajya ke vightan ke khatre ke maddenajar antarim raashtrapati olakasandar turacheenov ne ek aadesh mein tatkaal prabhaav se fir sena mein anivaarya bharti shuroo karne ko kaha hai. turacheenov ke kaaryaalaya ne ek bayaan mein kaha ki poorvi aur dakshini hisse mein badatar hote haalaat. . . Roos samarthit sashastr balon ki badhotri aur sarkaari prashaasanik imaaraton par kabje ke beech yeh kadam uthaaya gaya hai. . . . Bayaan mein kaha gaya, daraasal, desh ki kshetreeya akhandata ko khatra paida ho gaya hai. udhar, donetsk mein kareeb 300 ugravaadiyon ne abhiyojak ki 6 manjila imaarat par bam feinke aur patharaav kiya, dangaarodhi police ke kai javaanon ko peeta aur unki laathiyaan tatha avarodhak chheen liye. Donetsk aur kreemiya mein roos samarthak rallyan bhi nikaali gain. Ukraine ki sansad ne 17 April ko matadaan kar kaaryavaahak raashtrapati se Ukraine mein sashastr bal mein sena ki anivaarya bharti bagair kisi der ke dobaara shuroo karne ki sifaarish ki thi, taaki roosi sangh dvaara aakraman kiye jaane ki sthiti mein Ukraine ki raksha kshamataaen badhaai ja sake. is beech, donetsk se praapt epi ki khabar ke mutaabik roosi raashtrapati vlaadimeer putin ne kaha ki Ukraine ko desh ke poorvi aur dakshini kshetr se apni senaaen hata leni chaahiye, jahaan sarkaar virodhi vidrohi imaaraton par kabja kar rahe hain.

Ukraine Mein Sena Mein Anivaarya Bharti Shuroo Karne Ka Aadesh http://www.angrejinews.com/pic/49319