Ukraine Mein Charampanthiyon Ne Imaarat Foonki, 38 Ki Maut

Breaking »

Ukraine Mein Charampanthiyon Ne Imaarat Foonki, 38 Ki Maut

Keev: Ukraine ke odesa shahar mein charampanthiyon ne ek imaarat mein aag laga di, jismein 38 logon ki maut ho gayi, jabki kareeb 50 ghaayal ho gaye, jinmein 10 policekarmi bhi hain. samaachaar agency shinhuaa ke anusaar, ghatna shukravaar ki hai. Ukraine ke aantarik maamalon ke mantraalaya ne bataaya ki 30 logon ki maut saans mein kaarban daaioksaaid ke ghulane ke kaaran ho gayi, jabki aag se bachane ki koshish mein imaarat ki khidkiyon se chhalaang lagaane ke kaaran aath logon ki maut ho gayi. Ukraine ki sarkaar ne iske liye desh ke charampanthi sangathan right sector ko jimmedaar thaharaaya hai. Police ke anusaar, sangharsh ki shuruaat shukravaar ko desh ke poorvi shahar khaarakov ke football prashansakon tatha Ukraine ke right sector ke charampanthiyon ke beech jhadap se hui. Usi din Ukraine ki sena ne salaaviyaansk mein us sarkaari imaarat ko roosi samarthakon se khaali karavaane ke liye kaarravaai ki, jis par unhonne kabja jama rakha tha. Ukraine ke raksha mantraalaya ne is sangharsh mein apne do helicopter ke kshatigrast hone ki pushti ki hai. Mantraalaya ki or se kaha gaya hai ki helicopter ko satah se hava mein maar karne waali misaail se maar giraaya gaya. Isse saabit hota hai ki jin logon ke khilaaf sena ne abhiyaan chheda tha, ve saamaanya naagrik naheen, balki hathiyaarband va prashikshit aatankvaadi the. vaheen, roos ne Ukraine ki sena ki or se ki gayi kaarravaai ki aalochna karte hue kaha ki isse saabit hota hai ki Ukraine 17 April ko hue jeneva samjhaute ka sammaan naheen karta.

Ukraine Mein Charampanthiyon Ne Imaarat Foonki, 38 Ki Maut http://www.angrejinews.com/pic/49420