Udaar Lokatantr Ke Liye Svatantr Nyaayapaalika Jaroori Justice Chelameshvar

Breaking »

Udaar Lokatantr Ke Liye Svatantr Nyaayapaalika Jaroori Justice Chelameshvar

Nai Delhi Supreme court ke cheef Justice ke kaamkaaj ke prati asantosh prakat kar savaal uthaane vaale Justice chelameshvar ne somvaar ko udaar lokatantr ke liye svatantr nyaayapaalika ki jaroorat par bal diya. Delhi mein ek sabha mein bolte hue Supreme court ke sabse senior judgeon mein se ek chelameshvar ne kaha, 'Lokatantr tabhi jeevit rah sakta hai, jab nyaayapaalika nishpaksh aur svatantr hogi. ' Nyaayapaalika par ho shodh 'Supreme court of India: The bignings' naam ki kitaab ka vimochan karte hue senior judge ne kaha, 'Vidvaan nyaayapaalika ke kaamkaaj ka adhyayan utsukataavash karte hain lekin jo log iska hissa hote hain, unka isse koi na koi hit-laabh jud jaata hai. ' unhonne lokatantr ke is aham sansthaan par aur gaharaai se shodh ki aavashyakta bataai taaki nyaayapaalika logon ke hit mein jyaada kaaragar dhang se kaam kar sake. Upalabdhiyon-naakaamiyon ki parakh jaroori Justice chalameshvar ne kaha ki ek sansthaan ke taur par nyaayapaalika ki upalabdhiyon aur naakaamiyon ke baare mein lagaataar jaanch-parakh jaari rahani chaahiye. Unhonne is baat ko rekhaankit kiya ki Bhaarat ki aabaadi ka aathavaan hissa nyaayapaalika ke faisalon se seedhe prabhaavit hota hai isliye yeh aur bhi jaroori hai ki Supreme court jaise sansthaan ke baare mein aur adhyayan saamane aaen. Isse yeh sansthaan nishpaksh aur svatantr rah sakega.

Udaar Lokatantr Ke Liye Svatantr Nyaayapaalika Jaroori Justice Chelameshvar http://www.angrejinews.com/pic/189572