Udaan Ke Liye Vimaanan Mantraalaya Ko Dhan Ki Kami Ka Saamana Karna Pad Sakta Hai

Business »

Udaan Ke Liye Vimaanan Mantraalaya Ko Dhan Ki Kami Ka Saamana Karna Pad Sakta Hai

Nayi Delhi, 17 December bhaasha udaan yojana ke tahat adhik maargon par parichaalan shuroo hone ke saath naagar vimaanan mantraalaya ko aashanka hai ki vimaanan companiyon ko udaanon ko aarthik drushti se vyaavahaarik banaane ke liye : Veejeeef: Dhan ki kami ka saamana karna pad sakta hai. Ek varishth adhikaari ne yeh jaankaari di. Kendra sarkaar ne kifaayati havaai seva shuroo karne ke liye kshetreeya sampark yojana yaani udaan ude desh ka aam naagrik ke tahat pehle daur ke liye 128 havaai maargon ka aavantan kiya tha. In maargon se 70 havaai addon ko joda gaya hai. Doosare daur ki boli mein mantraalaya ko companiyon se kul 141 praarambhik prastaav praapt hue hain. Is maheene ke aakhir mein iske parinaam aane ki ummeed hai. Mantraalaya ka maanana hai ki udaan ke tahat aur companiyon dvaara parichaalan shuroo hone ke baad vimaanan companiyon ko veejeeef dene ke liye jo raashi upalabdh hai, vah shaayad paryaapt na ho. Veejeeef khaate mein 80 pratishat raashi ka yogadaan kendra sarkaar karti hai. Shesh sambandhit raajyon dvaara diya jaata hai. Poorvoaar ke raajyon aur sangh shaasit pradeshon ke maamale mein yeh anupaat 90: 10 ka hota hai. Mantraalaya ke ek varishth adhikaari ka kehna hai ki udaan yojana ke tahat aur adhik maargon par parichaalan shuroo hone ke saath veejeeef ke liye upalabdh dhan kam pad sakta hai. Veejeeef ke lihaaj se, mantraalaya pramukh maargon par prati udaan 5,000 rupaye ka shulk vasoolata hai aur isse saalaana 200 karod rupaye ki aay ka anumaan hai. Iske vipreet ab tak, mantraalaya ne shulk ke maadhyam se veejeeef ke liye kareeb 70 karod rupaye jutaae hain. Adhikaari ne kaha ki aane vaale varsh mein pehle daur ke sabhi havaai addon par parichaalan shuroo ho jaaega. Is maamale mein antim faisala liya jaana baaki hai. Mantraalaya veejeeef aavashyakataaon ko poora karne ke liye adhik paisa jutaane ke liye raajyon ko kah sakta hai. Dhan jutaane ka doosra raasta bajateeya sahaayata ho sakti hai. Bhaasha.

Udaan Ke Liye Vimaanan Mantraalaya Ko Dhan Ki Kami Ka Saamana Karna Pad Sakta Hai http://www.angrejinews.com/pic/184356