UP Vidhaanasabha Mein Maayaavati Ke Vidhaayakon Ka Jabaradast Hangaama

Breaking »

UP Vidhaanasabha Mein Maayaavati Ke Vidhaayakon Ka Jabaradast Hangaama

Lucknow: Uttar pradesh vidhaanamandal ke varsh 2013-14 ke bajat satr ki shuruaat guruvaar ko vipakshi dalon ke sarkaar virodhi naarebaaji aur hangaame ke saath hui. BJP ne bajat satr ki aupachaarik shuruaat se pehle vidhaanamandal ke dono sadanon ke sanyukt adhiveshan mein hone vaale raajyapaal beeel Joshi ke abhibhaashan ka bahishkaar kiya, jabki mukhya vipakshi bahujan samaaj party (BSP) sahit anya dalon ke sarkaar virodhi naarebaaji aur shoragul ke beech raajyapaal teen-chaar minute mein hi apne 92 prushth ke abhibhaashan ka prateek paath karke sadan se chale gaye. Raajyapaal Joshi jaise hi apna abhibhaashan padhne khade hue basapa ke sadasya sarkaar virodhi naarebaaji karte hue apni-apni jagah par khade ho gaye aur kuchh ne raajyapaal ki or kaagaj ke gole bhi feinke. Sarkaar virodhi naare laga rahe basapa aur raalod ke sadasyon ne 'Akhilesh sarkaar fail hai', 'Kaanoon-vyavastha dhvast hai', 'Kumbh haadase ki nyaayik jaanch ho', 'Akhilesh sarkaar barkhaast ho' aadi naare likhi takhtiyaan liye hue the. Basapa sadasyon ne neele rang ki topiyaan laga rakhi theen. Vipakshi dalon ke shor-sharaabe ke beech jab raajyapaal Joshi apne abhibhaashan ka paath kar rahe the, us dauraan sansadeeya kaarya mantri aajam Khan yah kehte sune gaye, "Gundon ki sarkaar ab chali gaR hai. " baharahaal, raajyapaal Joshi ne apna abhibhaashan padhne ki koshish ki, magar shor-sharaaba jaari rahate dekh unhonne yah kehte hue ki jab sadasya abhibhaashan sunane ko taiyaar naheen hai, to ve iske aakhiri ansh ko padhkar samaapt kar rahe hain. Raajyapaal ke abhibhaashan ke baad 12: 30 baje vidhaanamandal ke donon sadanon ki aupachaarik baithakein shuroo huin, to vidhaanasabha mein iske adhyaksh maata prasaad paandeya ne jaise hi raajyapaal ka abhibhaashan padhna chaaha, vipakshi dalon ne pun: Aapattiyaan uthaain. BJP vidhaanamandal dal ke neta hukum Singh ne kaha ki raajyapaal ke 92 prushth ke abhibhaashan mein kaheen bhi is baat ka ullekh naheen hai ki sadan ka satr kyon bulaaya gaya hai, lihaaja samvaidhaanik vyavastha ke tahat unke abhibhaashan ko sadan ki kaaryavaahi ka hissa naheen banaaya ja sakta. Vidhaanasabha adhyaksh paandeya ne baharahaal unki aapatti yah kehte hue khaarij kar di ki yah bajat satr hai aur isse iske bulaae jaane ka uddeshya swayam hi spasht hai. Basapa neta svaami prasaad maurya ne kaha ki raajyapaal Joshi ne apne jis abhibhaashan ka ek prushth bhi naheen padha, use kaaryavaahi ka hissa kaise banaaya ja sakta hai. Unhonne raajyapaal ke abhibhaashan ko sarkaari dastaavej bataate hue kaha ki sambhavat: Raajyapaal isi vajah se vah abhibhaashan padhe bina chale gaye. Maurya aur unke dal ke anya sadasya baharahaal sarkaar par vaada khilaafi ka aarop lagaate hue sadan se vauk out kar gaye.

UP Vidhaanasabha Mein Maayaavati Ke Vidhaayakon Ka Jabaradast Hangaama http://www.angrejinews.com/pic/1875