UP Tuition Padhne Se Mana Kiya To Chhaatra Ne Aag Lagaakar Di Jaan

Breaking »

UP  Tuition Padhne Se Mana Kiya To Chhaatra Ne Aag Lagaakar Di Jaan

Meerut: Uttar pradesh ke Meerut shahar mein ek chhaatra ko parijanon dvaara tuition padhne se mana karna itna adhik akhara ki usane kathit roop se khud ko aag lagaakar aatmahatya kar li. Chhaatra ki laash ghar ke bathroom se mili hai. SP city Omprakash ne bataaya ki shahar ke thaana naunchadi kshetr ke panchasheel ilaake ke nivaasi vedaant ki putri vedika (18) shahar ke ek college mein BCom dviteeya ki chhaatra thi. Vah pichhle kuchh dinon se tuition padhne ki jid kar rahi thi. Aaj fir vedika ne parijanon ke samaksh tuition padhne ki jid ki. Parijanon ke mana karne par vah ghar ki oopari manjil par apne kamre mein gayi aur kamre se sate bathroom mein jaakar khud ko aag laga li. Shor sunakar jab tak parijan mauke par pahunchate tab tak vah 80 feesadi se jyaada jal chuki thi. Unhonne bataaya ki vedika ko aspataal le jaaya gaya jahaan usaki upachaar ke dauraan maut ho gayi. Police ne shav ko postmortem ke liye bhejkar maamale ki chhaanabeen shuroo kar di hai.

UP Tuition Padhne Se Mana Kiya To Chhaatra Ne Aag Lagaakar Di Jaan http://www.angrejinews.com/pic/562