UP Mein Naabaalig Ladki Ke Saath Gang-rape, Paanch Giraftaar

India »

UP Mein Naabaalig Ladki Ke Saath Gang-rape, Paanch Giraftaar

Mujaffaranagar: Uttar pradesh ke mujaffaranagar jile mein paas ke jungle mein kathit taur par saat logon ne ek naabaalig ladki ko agava kar uske saath saamoohik balaatkaar kiya. Police ne guruvaar ko bataaya ki saat aaropiyon mein se paanch ko giraftaar kar liya gaya hai. Yeh ghatna pichhli raat ko tab ghatit hui, jab 14 saal ki yeh ladki civil lines kshetr ke shiksha colony sthit apne ghar se kisi kaam ke liye baahar nikli thi. Shahar ke police adheekshak Rajkamal Yadav ne kaha ki ladki ko saat logon ne agava kar liya aur ek car mein paas ke jungle mein le gaye aur uske saath saamoohik balaatkaar kiya. Police ne kaha ki is ghatna ki soochana milte hi police ne kaarravaai karte hue paanch logon ko giraftaar kiya, jinke naam - sonoo, ravi, nitin, haasoo aur subhaash hai. Praveen aur subhaash naam ke do anya aaropi faraar hain. Chikitsa jaanch mein ladki ke saath balaatkaar kiye jaane ki pushti hui hai.

UP Mein Naabaalig Ladki Ke Saath Gang-rape, Paanch Giraftaar http://www.angrejinews.com/pic/321