Twenty-20 Sri Lanka Ne Australia Ko Paanch Wicket Se Haraaya

Cricket »

Twenty-20  Sri Lanka Ne Australia Ko Paanch Wicket Se Haraaya

Sydney: Sydney olympic stadium mein khele gaye pehle twenty-20 mukaabale mein Sri Lanka ne Australia ko paanch wicket se paraajit kar diya. David vaarnar ki naabaad 90 ranon ki toofaani paari ke baavajood Sri Lanka ne saamoohik team pradarshan ke jariye is match par kabja jamaaya. Toss jeetne ke baad Australia ne pehle ballebaaji ka faisala kiya aur nirdhaarit 20 overon mein teen wicket ke nuksaan par 137 run banaae. Salaami ballebaaj vaarnar ne 62 geindon mein paanch chauke aur teen chhakke ki madad se naabaad 90 ranon ki aatishi paari kheli. Iske alaava Aaron finch ne ek, shaan marsh ne chhah, George belly ne 11 aur Adam vogs ne 25 ranon ka yogadaan diya. Sri Lanka ki or se nuvaan kulasekara aur thisaara parera ne ek-ek wicket haasil kiye. Australia ke 137 ranon ke javaab mein ballebaaji karne utari Sri Lanka ki team ne 18.5 over mein paanch wicket ke nuksaan par 139 run bana liye. Sri Lanka ki or se salaami ballebaaj kushaal parera ne 33, Angelo Matthews ne naabaad 35, thisaara parera ne naabaad 19, laahiru thirimaane ne 20 aur tilkaratne dilaashan ne 16 ranon ki yogadaan diya. Australia ki or se Xavier Doherty aur glen Maxwell ne do-do wicket chatakaae. Michelle Stark ko ek safalta mili.

Twenty-20 Sri Lanka Ne Australia Ko Paanch Wicket Se Haraaya http://www.angrejinews.com/pic/382