Turkey Ke Raashtrapati Ke Saath Tasveer Vivaad Ke Baad Ojil Ne Liya Jarman Team Chhodne Ka Faisala

Sports »

Turkey Ke Raashtrapati Ke Saath Tasveer Vivaad Ke Baad Ojil Ne Liya Jarman Team Chhodne Ka Faisala

Barlin Turkey ke raashtrapati rechep taip erdoaan ke saath tasveer khinchavaane ko lekar ho rahi aalochna ke baad mesut ojil ne Germany ki raashtreeya football team chhodne ka faisala liya hai. Twitter par silsilevaar bayaan mein aarsanal ke is star ne antararaashtreeya football ko alvida kehne ka ailaan kiya. Unhonne jarman football mahaasangh , uske adhyaksh, prashansakon aur media ki aalochna karte hue kaha ki Turkey mool ke logon se unke bartaav mein dohare maanadand aur naslavaad ki boo aati hai . Erdoaan, ojil aur Manchester United ke ike gundogan ki do maheene pehle London mein hui mulaakaat ke baad tasveer vaayaral hui thi jisse Germany mein hangaama mach gaya. Germany ke kuchh raajanetaaon ne ojil aur gundogan ki Germany ke prati vafaadaari par sandeh jataaya tha. Unhonne yeh tak kaha tha ki vishv cup ke liye inhein team mein naheen rakha jaana chaahiye . Ojil ne kaha,'Is photo ke peechhe koi raajaneetik mansha naheen thi. Main apne parivaar ke desh ke sheersh neta ke prati sammaan vyakt kar raha tha. '

Turkey Ke Raashtrapati Ke Saath Tasveer Vivaad Ke Baad Ojil Ne Liya Jarman Team Chhodne Ka Faisala http://www.angrejinews.com/pic/215162