Tuition Teacher Ne Bistar Geela Karne Par Bachche Ko Chimte Se Jalaaya

Breaking »

Tuition Teacher Ne Bistar Geela Karne Par Bachche Ko Chimte Se Jalaaya

Kanpur: Kanpur ke ashok nagar ilaake mein saat saal ke ek maasoom bachche ko chimte se jalaane ke maamale mein ek mahila tutor aur usaki beti ko giraftaar kiya gaya hai. Tutor ne sirf is baat par bachche ko chimte se jala diya ki usane padhaai ke dauraan bistar par peshaab kar diya tha. Bachche ke maan-baap ki shikaayat par najeeraabaad thaane mein tutor aur usaki beti ke khilaaf mukadama darj kar unhein giraftaar kar liya gaya hai. Police pravakta ne bataaya ki ashok nagar mein nursery mein padhna vaala saat varsheeya bachcha pados mein hi rahane waali tutor ke ghar tuition padhne jaata tha. Mahila tutor Kanpur vikaas praadhikran (kedeee) mein chaturth shreni karmachaari hai aur ghar mein bachchon ko tuition padhaane ka kaam karti hai. Usaki beti ek niji school mein shikshak hai. Najeeraabaad thaane mein darj praathamiki ke mutaabik 6 February ki shaam bachcha tuition padhne mahila ke ghar gaya tha. Is dauraan usane vahaan bistar par peshaab kar diya. Bistar geela dekhkar maan aur beti bahut naaraaj ho gain. Beti ne us bachche ko pakada aur mahila ne lohe ka chimta garm kar use kai jagah se jala diya. Bachche ke pita ne pehle use ek niji aspataal mein bharti karaaya. Baad mein vah najeeraabaad thaane pahunche, jahaan unhonne police ko saari baat bataai. Police ne bachche ko ilaaj aur chikitsa jaanch ke liye sarkaari aspataal bheja. Jaanch mein uske shareer par jalne ke chhote bade 17 nishaan paae gaye.

Tuition Teacher Ne Bistar Geela Karne Par Bachche Ko Chimte Se Jalaaya http://www.angrejinews.com/pic/1582