Trust Hokar 'Sirf-ladkiyon Ke Band 'Pragaash Ne Chhodi Gaayiki

Breaking »

Trust Hokar 'Sirf-ladkiyon Ke Band 'Pragaash Ne Chhodi Gaayiki

Shreenagar/nai Delhi: Kashmir mein sakriya ladkiyon ke ekamaatr band 'Pragaash' ne sarvochch mufti ki or se gaane ko gair islaami bataae jaane aur 'Fatwa' jaari karne ke baad gaayiki chhodne ka faisala kiya. Mukhyamantri umar abdulla sahit badi sankhya mein log in ladkiyon ke samarthan mein saamane aae aur unase gaayika naheen chhodne ka aagrah kiya tha. Sayyed Ali shaah gilaani ki aguaai vaale hurriyat conference ke alagaavavaadi dhade ne bhi iske liye sarvochch mufti ki aalochna ki. In ladkiyon ne purush ke varchasv vaale kshetr mein kadam rakha tha lekin roodhivaadi samaaj ke logon ki or se unhein online dhamaki di gayi aur apashabd kahe gaye. Is band ke kareebi sootron ne bataaya ki ladkiyon ne mufti ke fatwe ke kaaran gaayiki chhodne ka faisala kiya hai. Sarvochch mufti bashirooddeen Ahmad ne gaayiki ko gair islaamik karaar dekar iske khilaaf fatwa jaari kiya tha. Gaurtalab hai ki 10veen kaksha ki chhaatra noma najeer (gaayika, sah guitarvaadak), drum vaadak faraah deeba aur guitarvaadak Anika khaalid ne 'Pragaash' naam ka band banaakar pichhle saal December mein shreenagar mein hui 'Baital of di bainds' pratiyogita mein jordaar prastuti dekar pehli baar mein hi sarvochch pradarshan ka puraskaar haasil kiya.

Trust Hokar 'Sirf-ladkiyon Ke Band 'Pragaash Ne Chhodi Gaayiki http://www.angrejinews.com/pic/1090