Tripura Mein Vidhaanasabha Ki 60 Seaton Ke Liye Tej Gati Se Matadaan

Breaking »

Tripura Mein Vidhaanasabha Ki 60 Seaton Ke Liye Tej Gati Se Matadaan

Agartala: Tripura mein nai vidhaanasabha ke liye guruvaar ko matadaan mein subah ki tulana mein dopahar hote-hote teji I. Dopahar 1: 30 baje tak kul sankhya ke aadhe se adhik matadaataaon ne mataadhikaar ka upayog kiya. Kaheen se bhi hinsa ki kisi badi ghatna ki khabar naheen hai. Mukhya nirvaachan adhikaari aashutosh jindal ne kaha, subah saat baje matadaan shuroo hone ke baad 60 seaton vaale is vidhaanasabha chunaav mein vote daalne ke liye raajyabhar mein badi sankhya mein mahilaaen aur nae matadaata kataaron mein lage hue hain. Jindal ke anusaar, dopahar 1: 30 baje tak 55 feesadi matadaata vote daal chuke the aur din chadhne ke saath matadaan ki gati mein I teji ko dekhte hue matadaan ka pratishat badhne ki ummeed hai. Khaaskar nae aur mahila matadaataaon mein kaafi utsaah dekha ja raha hai. Jindal ne kaha, chaar baje chunaav sampann hone tak main bhaari matadaan ki ummeed kar raha hoon. 2008 mein hue pichhle chunaav ke dauraan tripura mein 93 feesadi matadaan hua tha. Unke mutaabik subah 10 baje tak 30 feesadi mat pade. Din badhne ke saath matadaataaon ki sankhya teji se badhi. Police mahaanireekshak Nepal das ne samvaadadaataaon se kaha ki Agartala se 10 kilometer pashchim khayerapur se paanch hathagole baraamad kiye gaye hain. Tripura ki 37 lakh aabaadi mein 23.5 lakh log matadaan ke yogya hain. Yahaan 249 ummeedavaar is chunaav mein apni kismat aajama rahe hain, jinmein 15 mahilaaen aur kai nirdaleeya ummeedavaar bhi shaamil hain. Kuchh matadaan keindron par electronic voting machine (iveeem) mein gadbadi shuroo ho jaane ki vajah se matadaan kuchh samay ke liye ruk gaya tha. Nirvaachan adhikaari ne bataaya, alagaavavaadi samoohon dvaara vyavadhaan pahunchaae jaane ki atkalon aur hinsa ki aashanka ko dekhte hue ardhasainik bal ke record 40,000 javaanon va anya surakshaakarmiyon ki tainaati ki gayi hai, jabki do havaai nigraani dal varishth police adhikaariyon ke netrutv mein matadaan par najar rakh rahe hain. Mukhyamantri maanik sarkaar ne yahaan ek school mein apna mat dene ke baad kaha, vaam dal ko is baar bhi adhik seatein aur adhik mat mileinge. Pashchimi tripura ke sipaaheejaala jile mein sthit apne vidhaanasabha kshetr dhaanapur ravaana hone se pehle unhonne patrakaaron se kaha, yahaan par Congress dvaara jaari kiye gaye naare 'Parivartan' ka koi prabhaav naheen dikh raha. Vaam dal aasaani se jyaadaatar seatein jeet jaaenge. Maark‚Äćaasavaadi communist party (maakapa) ke pravakta Gautam das ne kaha, ham matadaan se khush hain. Matadaan ab tak shaantipoorn raha hai. Congress ne maakapa par unke samarthakon dvaara do-teen matadaan keindron mein gairkaanooni tareeke se jama ho jaane ka aarop lagaaya hai. Congress pravakta ashok sinha ne kaha, kuchh aam matadaataaon ko daak dvaara mat dete hue dekha ja raha hai. Humne iski soochana nirvaachan adhikaari ko di hai.

Tripura Mein Vidhaanasabha Ki 60 Seaton Ke Liye Tej Gati Se Matadaan http://www.angrejinews.com/pic/1879