Trinamool Ne Narendra Modi Par Aachaar Sanhita Ullanghan Ka Aarop Lagaaya, Ki Giraftaari Ki Maang

Breaking »

Trinamool Ne Narendra Modi Par Aachaar Sanhita Ullanghan Ka Aarop Lagaaya, Ki Giraftaari Ki Maang

File photo File photo Kolkata (bonagaanv): BJP ke pradhaanamantri pratyaashi Narendra Modi par hamla jaari rakhate hue Trinamool Congress ne aaj chunaav aayog ko likhkar unke khilaaf kaarravaai ki maang ki aur un par dharm ke naam par vote maangakar aadarsh aachaar sanhita ka ullanghan karne ka aarop lagaaya. Trinamool pramukh mamata Bannerjee ne Modi ki giraftaari ki apni maang ko doharaaya. Unhonne kaha ki jo shakhs aisi bhaasha bolata hai, use pradhaanamantri banane ka koi hak naheen hai. Use rassi se baandh kar jail mein daal diya jaana chaahiye. Doosare jo bhi kahein ham ye baat record par kah rahe hain ki use giraftaar kiya jaana chaahiye. Bangladesh ki seema se lage uttari 24 paragana jile ke bonagaanv mein ek chunaavi sabha ko sambodhit karte hue mamata ne kaha, 'Jo vyakti nasli dangon ki baat kar raha ho use pradhaanamantri banane ka koi adhikaar naheen hai. Yeh aadarsh aachaar sanhita ka ullanghan hai. Iske bajaay unki kalaaiyon ko rassi se baandhakar use jail bhej dena chaahiye. Unhein giraftaar karna chaahiye. ' mamata ne rally mein Modi ka naam liye bina kaha, 'Vah (Modi) gas ka gubbaara ban gaye hain. Mukka maaro to gas baahar nikal aaegi aur gubbaara pichk jaaega. ' Trinamool ke pravakta derek O Brian ne kaha, 'Trinamool Congress ne aaj chunaav aayog ko likhkar dharm ke naam par vote maangane ke kaaran saampradaayik gadbadi failaane aur aadarsh aachaar sanhita ka ullanghan karne ke liye Modi ke khilaaf kaarravaai ki maang ki. ' unhonne kaha ki Trinamool ne uttar pradesh ke faijaabaad mein aaj Modi ki rally ki footage praapt kar li hai. Is rally mein lage banner mein unke chitr ki prushthabhoomi mein pooja sthali ke chitr hain. isse pehle mukhyamantri ne kal Modi par asam ke beeteeedi (bodo kshetreeya prashaasanik jilon) kshetr mein sthiti ko bigaadne ka aarop lagaaya gaya tha, jahaan hinsa ke kaaran 34 logon ki jaan gayi thi. Unhonne aaj Gujarat ke mukhyamantri par Bengal mein bangaaliyon evam gair bangaaliyon ko baantane ka prayaas karne ka aarop lagaaya. mamata ne gair kaanooni baanglaadeshi ghuspaithiyon sambandhi unki tippani ka ullekh naheen kiya lekin kaha, ''Unhein chhookar dekhiye aur aapko pata chal jaayega. Ham purajor ladaai ladeinge. ' Trinamool pramukh ne kaha, ''(Modi) Bengal ke logon ka apamaan kar rahe hain. ' isse pehle bhi vah yeh daava kar chuki hain ki Modi itihaas naheen jaante. unhonne kaha tha, 'Vah yeh naheen jaante ki baangla bolne se koi baanglaadeshi naheen ho jaata. Modi bangaaliyon aur gair bangaaliyon ko baantana chaahate hain. Bhaarat bhar mein baangla bolne vaale kisi bhi vyakti ko baanglaadeshi bata diya jaata hai. Yeh bhedabhaav hai. ' baankuda mein Narendra Modi ne mamata Bannerjee ko naatakabaaz bataaya tha aur kaha tha ki baanglaadeshiyon ko bhagaane ki baat kehne mein koi harj naheen.

Trinamool Ne Narendra Modi Par Aachaar Sanhita Ullanghan Ka Aarop Lagaaya, Ki Giraftaari Ki Maang http://www.angrejinews.com/pic/49642