. . . To 'Chaand Se Takkar Ki Vajah Se Dharati Par Aaya Sona

Breaking »

. . . To 'Chaand Se Takkar Ki Vajah Se Dharati Par Aaya Sona

Washington Jis sone ke aabhooshan aap aur ham itni khushi se pahanate hain vah dharati par aaya kahaan se? Is savaal ka javaab dhoondhane ke liye vaigyaaniko ne kai adhyayan kiye aur isko lekar kai avadhaaranaaen maujood hain. Lekin ek nae adhyayan ke baad ek aur daava kiya gaya hai. Stadi ki maane to pruthvi ke nirmaan ke shuruaati samay mein hi isse ek chaand ke aakaar ka bhoomandaleeya pind takaraaya, jiski vajah se dharati par sona aur plaitinm jaise bahumoolya dhaatu pahunche. Adhyayan karne waali team ke mutaabik is takkar ke baad pruthvi par aane vaale dhaatuon ki maatra pehle ke anumaanon se jyaada hai aur iske prabhaavon ne pruthvi ko gaharaai se badal diya. Grahon ke takaraav hamaare saur mandal ke gathan ke mukhya hissa rahe hain. Vaigyaanik lambe samay tak aisa maanate rahe hain ki chaand ke nirmaan ke baad, pruthvi ne apni rachana ke shuruaati samay mein lambe samay tak pindon se takaraav ke baad dhamaake jhele hain. Yeh dhamaake 3.8 arab saal pehle band hue the. Is samay ko 'Let akreeshan' kaha gaya hai. Is dauraan chandrama ke aakaar vaale bade bhoomandaleeya pindon se takaraav ki vajah se vyaapak roop mein dhaatu aur chattaan banaane vaale khanij dharati ki satah aur aantarik bhaag mein pahunche. Aisa maana jaata hai ki dharati ke maujooda bhaar ka 0.5 pratishat hissa in takaraavon ki vajah se dharati pahunchi cheejon ki vajah se hai. Nae adhyayan se pata lagta hai ki kaise bhayaanak takkaron ki vajah se dharati par dhaatu pahuncha. Naasa ki madad se saauthavest research instityoot aur university of maireelaind ke shodhakartaaon ne yeh adhyayan kiya hai. Yeh stadi nechar jiyosaains journal mein chhapi hai.

. . . To 'Chaand Se Takkar Ki Vajah Se Dharati Par Aaya Sona http://www.angrejinews.com/pic/182948