Timaahi Nateeje, IIP Ke Aankade Tay Kareinge Baajaar Ki Chaal

Business »

Timaahi Nateeje, IIP Ke Aankade Tay Kareinge Baajaar Ki Chaal

Nai Delhi: Desh ke share baajaaron mein is saptaah utaar-chadhaav rahane ki sambhaavana hai. Saptaah ke dauraan companiyon ke teesari timaahi par baajaar ki chaal nirbhar karegi. Pramukh IT company Infosys 11 January ko apne timaahi nateeje ghoshit karegi. Baajaar visheshagyon ke anusaar niveshakon ko ummeed hai ki 29 January ko maudrik neeti ki teesari timaahi sameeksha mein reserve bank byaaj daron mein katauti kar sakta hai. Isse baajaar mein teji ka rukh ban sakta hai. Saptaah ke dauraan aane vaale audyogik utpaadan soochakaank ke aankadon ka bhi kaarobaari dhaarana par kuchh asar dekhne ko mil sakta hai. Audyogik utpaadan soochakaank (IIP) ka aankada shukravaar ko jaari kiya jaaega. Inventure growth end securities ke shodh pramukh milan baavishi ne kaha, isse aage baajaar ki aage ki disha is baat par bhi nirbhar karegi ki rupaya-dollar dar mein kis tarah ka utaar-chadhaav aata hai. Teesari timaahi mein IT kshetr ke kaaryaparinaamon se ummeed ke baare mein Religare research ne ek report mein kaha ki bhaarateeya IT kshetr mein gatividhiyaan sust rah sakti hain. Badi poonji waali companiyon ki kamaai mein maamooli giraavat aa sakti hai. Kul milaakar kshetravaar star par shuddh munaafe ki sthiti lagbhag poorvavat rah sakti hai, jismein rupaye ke avmoolyan ka bhi yogadaan ho sakta hai. Baajaar visheshagyon ne kaha ki baajaar ko mudraasfeeti ke aankadon ka intajaar rahega. Agar mudraasfeeti mein koi kami aati hai, to byaaj daron mein katauti ki ummeed badh jaaegi. Bonanza portfolio ki varishth shodh vishleshak nidhi saarasvat ne kaha, niveshakon ka dhyaan aagaami timaahi kaaryaparinaamon par hai, jiska baajaar rukh par taatkaalik prabhaav hone ki ummeed hai. Vaishvik khabarein bhi baajaar dhaarana ko prabhaavit kareingi. Ameriki bajat sankat ka samaadhaan khoje jaane tatha desh mein seva aur vinirmaan kshetr mein sakaaraatmak rukh se Sensex aur Nifty kareeb do varsh ke uchchatam star par pahunch gaye hain.

Timaahi Nateeje, IIP Ke Aankade Tay Kareinge Baajaar Ki Chaal http://www.angrejinews.com/pic/61