Thailand PM Pad Ke Ummeedavaari Se Rajkumari Ka Naam Hata

World »

Thailand PM Pad Ke Ummeedavaari Se Rajkumari Ka Naam Hata

Bainkauk Thailand ki Rajkumari ubolaratna ko pradhaanamantri pad ki daud ke liye somvaar ko aupachaarik roop se ayogya ghoshit kar diya gaya. Isse prabhaavashaali shinvaatra vansh se judi party ke saath unke sankshipt raajaneetik judaav par viraam lag gaya hai. Yeh ghatnaakram tab hua hai jab kuchh din pehle Rajkumari ke bhaai evam desh ke raaja ne unki ummeedavaari ke khilaaf kada raajaadesh jaari kiya tha. Desh mein shukravaar ko usi samay se anishchitta aur atkalein theen, jab thai raksha party ne yeh badi ghoshana ki ki raaja maha vajeeralongakorn ki badi bahan 24 March ko hone vaale pradhaanamantri pad ke chunaav mein usaki ummeedavaar hongi. Lekin raaja ne unki abhootapoorv raajaneetik aakaankshaaon par tab ankush laga diya jab raajaadesh mein baikaha gaya ki raaj parivaar raajaneeti se oopar hai. Aadesh mein unhonne apni bahan ki ummeedavaari ko 'Anuchit' bataaya. Thailand mein raaja ke shabdon ko antim maana jaata hai. Nirvaachan aayog ne somvaar ko ubolaratna ka naam pradhaanamantri pad ke ummeedavaaron ki soochi mein se aupachaarik roop se hata diya. Isne ek bayaan mein kaha, 'Nirvaachan aayog ne thai raksha chart party dvaara prastaavit Rajkumari ubolaratna ke naam ko hataakar aaj ummeedavaaron ke naam ki ghoshana kar di hai. ' sattaaroodh junta neta prayut chaan O cha ke khilaaf aasann takhtaapalat aur sena mein sheersh star par badlaav sambandhi haishataig thai twitter par chhaaya raha. Somvaar ko junta pramukh prayut ko aasann takhtaapalat ki khabaron ko khaarij karna pada aur unhonne ise 'Farji khabar' karaar diya. Unhonne gavarnameint house mein patrakaaron se kaha, 'Afavaah. . . ? Ham jaanch kar rahe hain. Farji khabar. '

Thailand PM Pad Ke Ummeedavaari Se Rajkumari Ka Naam Hata http://www.angrejinews.com/pic/254121