Test Mein Naheen Rahi Meri Jaroorat Daaren Saimi

Breaking »

Test Mein Naheen Rahi Meri Jaroorat  Daaren Saimi

Nai Delhi: West Indies ti-20 cricket team ke kaptaan daaren saimi ne kaha hai ki unhonne test match se sannyaas ka faisala isliye liya kyonki chayanakartaaon ne unase kah diya tha ki test team mein unki jaroorat naheen rah gayi hai. saimi ne dinesh raamadeen ko shukravaar ko West Indies test team ka naya kaptaan niyukt kiye jaane ke baad kuchh hi ghanton baad test cricket se sannyaas ki ghoshana kar di. saimi ne phone par diye saakshaatkaar mein kaha, mujhe bataaya gaya ki chayanakartaaon ke paas test team ke liye mujhe lekar koi yojana naheen hai. Ve team ke nai disha mein le jaana chaahate hain aur na to kaptaan aur na hi khilaadi ke roop mein unhein test team mein meri jaroorat rah gayi thi. saimi ne aage kaha, cricket sirf daaren saimi tak naheen simta hua hai. Unhonne mujhe yahaan tak pahunchaaya hai aur unhein poora hak hai ki ve mujhse yeh sab le lein. Mere man mein kisi ke prati bair bhaav naheen hai. saimi se haalaanki sirf test team ki kaptaani chheeni gayi hai, tatha West Indies ki ekadivseeya aur ti-20 team ki kaptaani abhi unheen ke paas hai. saimi ne aage kaha, West Indies cricket ko diye apne yogadaan ke liye mujhe khud par garv hai. Mainne hamesha ise apna sarvaadhik diya. Main abhi ti-20 team ka kaptaan hoon aur ekadivseeya team ka sadasya hoon. In donon svaroopon mein main apna sarvashreshth pradarshan karta rahoonga. 23 varsh ki avastha mein seint lusiya ke saimi ne 2007 mein England ke khilaaf test cricket mein career ki shuruaat ki. Apne padaarpan match ki doosari paari mein saimi ne saat wicket lekar vishv cricket ko apni pratibha ki dhamak suna di thi. saimi ko jab West Indies test team ki kamaan saunpi gayi, tab tak unka anubhav sirf aath maichon ka tha. Saimi ka kehna hai ki test team ke kaptaan ke roop mein sabse kathin kaarya sabhi khilaadiyon ko ekajut karna hai. saimi ne kaha, apne career mein mere saamane yeh sabse chunauteepoorn tha. Vibhinn prushthabhoomiyon se aae khilaadiyon ko ekajut karna bahut hi kathin tha. West Indies kai dweep samoohon vaala desh hai aur har dweep ki apni sanskruti aur pehchaan hai. saimi ki aguvaai mein West Indies ne 30 test match khele, jismein unhein aath jeet aur 12 haar ka saamana karna pada, jabki 10 match dra rahe. saimi ne navaniyukt kaptaan raamadeen ko badhaai di aur kaha, raamadeen ko meri tarah se shubhakaamanaaen. Use cricket ki achhi samajh hai aur kaptaani ka kaafi anubhav bhi hai. Main ummeed karta hoon ki khilaadi usaki aguvaai mein ekajut honge.

Test Mein Naheen Rahi Meri Jaroorat Daaren Saimi http://www.angrejinews.com/pic/50440