Tennis Mein Match Fixing, Spain Mein 28 Khilaadiyon Samet 83 Giraftaar

Sports »

Tennis Mein Match Fixing, Spain Mein 28 Khilaadiyon Samet 83 Giraftaar

Madrid Tennis mein match fixing ke aaropon ke baad Spain mein jaanch ke dauraan 83 logon ko giraftaar kiya gaya hai jismein 28 khilaadi shaamil hain. Spanish civil guard ne aarmeniyaai gang ki or se karaai match fixing jaanch ke dauraan bade star par abhiyaan chalaaya. Yooropiyn union ki Europol agency ne guruvaar ko yeh jaankaari di. Spain me 11 gharon par chhaapa maara gaya aur jaanch ke dauraan 1,67,000 Euro cash baraamad kiya. Iske alaava ek shautagan, 50 se jyaada electronic divaais, kredit card, 5 lagjari vaahan aur case se sambandhit dastaavej bhi baraamad kiye gaye. Iske saath hi civil guard ne 42 bank khaaton ko seej kiya gaya hai. Padhein, 'Match fixing ka nishaana ban sakte hain pandya' Civil guard ne bayaan jaari kar bataaya ki 15 logon ko giraftaar kiya gaya hai jismein kriminl gang ke mukhiya bhi shaamil hain. Iske alaava 68 anya logon se poochh-taachh ki gayi. Hairaani ki baat yeh hai ki jin 83 logon ko pakada gaya tha, unamein 28 peshevar tennis khilaadi hain jo ITF fyoochars aur chaileinjar star ki pratiyogitaaon mein khel rahe the. Ek aisa player bhi hai, jo pichhle saal grand slam yooes open mein bhi khel chuka hai. Haalaanki unki pehchaan gupt rakhi gayi hai. Bayaan mein bataaya gaya hai ki yeh group February 2017 se aiktiv hai aur usane fixing se laakhon Euro kamaae hain.

Tennis Mein Match Fixing, Spain Mein 28 Khilaadiyon Samet 83 Giraftaar http://www.angrejinews.com/pic/246992