Tendulkar Ne Facebook Par Apne 90 Lakh Prashansakon Ko Dhanyavaad Diya

Cricket »

Tendulkar Ne Facebook Par Apne 90 Lakh Prashansakon Ko Dhanyavaad Diya

Nai Delhi: Facebook par sabse lokapriya bhaarateeya celebrities mein se ek mahaan ballebaaj sachin Tendulkar ke prashansakon ki sankhya is social networking site par 90 lakh ki sankhya ko paar kar gayi hai. Tendulkar ne apne Facebook account par likha, ''90 lakh dhanyavaad. Mujhe itna vishesh ehsaas karaane ke liye aapko dhanyavaad. '' Tendulkar pichhle saal September mein Facebook se jude the aur is social networking site se judne ke chand ghanton ke bheetar unke naam chaar lakh 'Like' the. Is star cricketer ne Facebook mein apni paari ki shuruaat video sandesh ke saath ki thi jismein unhonne apne aadhikaarik pej se judne ke liye sabka svaagat kiya tha. Tendulkar ne pehli baar apne Facebook account mein likha tha, ''Main apne Facebook parivaar mein aapka svaagat karna chaahata hoon. Bachapan se hi mainne hamesha Bhaarat ke liye cricket khelne ka sapana dekha tha aur mainne 22 baras tak vishv cup jeetne ke apne sapane ka peechha kiya. Aapko sahayog ke bina yeh mumkin naheen ho paata. Main is mauke par mere liye praarthana karne ke liye aap sabhi ko dhanyavaad dena chaahata hoon. '' Is pej mein Tendulkar ke jeevan ke aham maukon ko timeline par darshaaya gaya hai. Iski shuruaat 24 April 1973 ko unke janmadin ke saath hoti hai jiske baad 2011 ki vishwacup jeeta aur Rajyasabha sadasya ke roop mein shapath lena shaamil hai. Is pej ka prabandhan sevan rockers kar raha hai. Aadhunik cricket ke mahaanatam ballebaajon mein shaamil Tendulkar ne haal mein van-de cricket se sannyaas ki ghoshana ki thi. Unhonne apne 23 saal ke career ke dauraan asankhya record apne naam kiye.

Tendulkar Ne Facebook Par Apne 90 Lakh Prashansakon Ko Dhanyavaad Diya http://www.angrejinews.com/pic/258