Telangaana Vidhaanasabha Chunaav TRS Ko Kai Jagahon Par Vipaksh Dega Kadi Chunauti

Breaking »

Telangaana Vidhaanasabha Chunaav TRS Ko Kai Jagahon Par Vipaksh Dega Kadi Chunauti

Seeel manoj, mahaboobanagar Telangaana mein sattaaroodh TRS ko vipakshi gathabandhan 'Praja kutami' yaani peepals alaayans kai jagahon par kadi takkar de raha hai. Mukhyamantri ke chandrashekhar Rao ne vipakshi dalon ke beech ekta naheen hone ki vajah se samay se pehle chunaav karaane ki khaatir vidhaanasabha September mein bhang karne ka prastaav paas kiya tha. Iske baad se hi vah prachaar mein jute hue hain. Haalaanki, Congress-TDP-TJS-CPI ne baad mein naatakeeya tareeke se gathabandhan kar TRS ko chunauti dene ka faisala kiya. Ab yeh alaayans rajdhani Hyderabad aur kuchh anya jagahon par majaboot dikh raha hai. TRS ke liye uttari telangaana ki 50 se adhik seaton par 2014 ke apne damadaar pradarshan ko doharaana mahatvapoorn hoga, jabki vipakshi gathabandhan ke liye dakshini telangaana ki 60 se adhik seatein j‚Äćaayaada sambhaavana waali hain. Vipakshi gathabandhan ki koshish uttari telangaana mein bhi TRS ko kuchh seaton par haraane ki hogi. Raajya mein vidhaanasabha ki kul 119 seaton mein se TRS aur praja kutami ke beech lagbhag 100 seaton par seedha mukaabala hai. LIVE: Rajasthan aur telangaana mein voting shuroo, jaanein har update Telangaana ab chunaavi mudda naheen raha Muslim voteron ke samarthan waali AIMIM ka 7 seaton par dabadaba hai. BJP apni 5 maujooda seaton mein se adhiktar ko barkaraar rakh sakti hai, 3-4 nirdaleeya bhi jeet haasil kar sakte hain. Isse raajya mein spasht bahumat ke saath sarkaar banane ki sambhaavana kam ho gayi hai. Alag telangaana ab chunaavi mudda naheen rah gaya hai. Isse vipaksh ko faayda hone ki ummeed hai. 2014 vidhaanasabha chunaav ke kendra mein telangaana ka alag raajya banana bada aur bhaavanaatmak vishay tha. Congress ki aguvaai vaale vipakshi gathabandhan ko dakshini telangaana mein Reddy samudaaya ka samarthan mil sakta hai. Telangaana chunaav: Kaisa sameekaran, kahaan kaun hai bhaareeX Reddy samudaaya 2014 se raajya mein satta mein apni sthiti kamjor hone se naaraaj hai. Congress raajya mein 95 seaton par lad rahi hai. Usane baaki ki seatein gathabandhan ke sahayogi dalon ke liye chhodi hain. Chunaav se theek pehle Congress ke lokapriya neta revant Reddy ko police ka giraftaar karna aur virodh pradarshanon ke baad unhein chhodna bhi TRS ko nuksaan pahuncha sakta hai. Isse raajya ke dakshini hisse mein dabadaba rakhane vaale Reddy samudaaya ki naaraajagi aur badh gayi hai. Padhein: Telangaana mein voting, in 30 seaton par mahaamukaabala Teedeepi ka prabhaav ghata Revant Reddy ne iti ko bataaya, 'Jo main hamesha kehta raha hoon, usaki ab pushti ho gayi hai. Ke chandrashekhar Rao taanaashaah hain, jinhonne telangaana ke abhiyaan ko apne parivaar ki satta mein badal diya hai. ' telangaana mein ek parivaar ki sarkaar mein badi hissedaari ko lekar vipaksh ki or se TRS ko ghera ja raha hai. Mukhyamantri ke bete ke ti raama Rao aur bhateeje hareesh Rao raajya sarkaar mein mantri hain aur unki beti kavita saansad hain. Gathabandhan mein Congress ki sahayogi telugu desham party (TDP) ka Andhra pradesh ke bantavaare ke baad telangaana mein prabhaav ghata hai, lekin TDP ke neta chandrabaaboo Naidu ki raajya ke kuchh hisson mein lokapriyta abhi bhi barkaraar hai, jiska faayda gathabandhan ko mil sakta hai. Rajasthan aur telangaana mein vidhaanasabha chunaav ke liye voting shurooX.

Telangaana Vidhaanasabha Chunaav TRS Ko Kai Jagahon Par Vipaksh Dega Kadi Chunauti http://www.angrejinews.com/pic/239715