Telangaana Mudda Mukhyamantri Reddy Ne Soniya Gandhi Se Mulaakaat Ki

Breaking »

Telangaana Mudda  Mukhyamantri Reddy Ne Soniya Gandhi Se Mulaakaat Ki

Nai Delhi: Alag raajya banaae jaane ke mudde par jald nirnaya karne ke liye telangaana samarthak guton ki or se badh rahe dabaav ke beech Andhra pradesh ke mukhyamantri N kiran Kumar Reddy ne Congress adhyaksh soniya Gandhi se mulaakaat ki aur maamale par charcha ki. Somvaar ko rajdhani pahunchane ke turant baad Reddy ne raajya ke prabhaari AICC ke mahaasachiv gulaam nabi aajaad ke saath ek ghante tak baithak ki. Iske baad vah soniya Gandhi ke aavaas par gaye jahaan Congress adhyaksh ke raajaneetik sachiv Ahmad Patel bhi unke saath ho gaye. Yah baithak jaari hai. Party ke pravakta PC chaako ne 30 January ko kaha tha ki Congress telangaana ke gathan ke khilaaf naheen hai, lekin aupachaariktaaon ko poora karne ke liye use samay ki jaroorat hai. Unhonne sanket diya tha ki is prakriya ko tej kar diya gaya hai. Chaako ne kaha, Congress telangaana raajya ke khilaaf naheen hai. Ham nirnaya lene ki prakriya mein hain, lekin aupachaariktaaon ko poora karna hoga.

Telangaana Mudda Mukhyamantri Reddy Ne Soniya Gandhi Se Mulaakaat Ki http://www.angrejinews.com/pic/1060