Telangaana Ke Saat Congressi Saansad Mileinge Soniya Se, Day Sakte Hain Isteefa

Breaking »

Telangaana Ke Saat Congressi Saansad Mileinge Soniya Se, Day Sakte Hain Isteefa

Nai Delhi / Hyderabad: Alag telangaana raajya ki maang ke samarthan mein isteefe ki ghoshana karne vaale Congress ke saat saansad aaj Delhi aa rahe hain. In saasandon ne ghoshana ki thi ki ye sabhi isteefa day deinge, lekin keindreeya mantri vyaalaar ravi ne inse phone par kaha ki isteefa dene se pehle ve sabhi Delhi aaen aur is masale par ek baar fir baat karein. Iske baad mangalvaar ko sabhi saansadon ne isteefe ka faisala taal diya aur ab aaj ve Delhi aakar is maamale par baatcheet kareinge. Is beech, sattaaroodh Congress aur Nehru-Gandhi parivaar ke khilaaf telangaana raashtra samiti ke adhyaksh ke chandrashekhar Rao ki tippani ko lekar Congress ne unki aalochna ki. Saaton saansadon ne mangalvaar ko ghoshana ki thi ki ve apna isteefa tatha usaka kaaran bataate hue ek patra soniya Gandhi ko bhejeinge. Isteefe ke faisale par matabhed ki khabaron ko unhonne khaarij kar diya. Saansadon ne mangalvaar ko Hyderabad mein samvaadadaataaon se kaha ki ve apne faisale par aage badheinge tatha Congress adhyaksh soniya Gandhi ko apna isteefa saunpane ke liye Budhvaar ko nai Delhi pahunch jaaenge.

Telangaana Ke Saat Congressi Saansad Mileinge Soniya Se, Day Sakte Hain Isteefa http://www.angrejinews.com/pic/565