Teesara Morcha Modi Ne Kaha Ki Rahul Kar Rahe Nuksaan Ki Bharpaai

Breaking »

Teesara Morcha  Modi Ne Kaha Ki Rahul Kar Rahe Nuksaan Ki Bharpaai

File photo File photo Nai Delhi: teesare morche ko samarthan dene se Rahul Gandhi ke inkaar ke baad BJP neta Narendra Modi ne kaha ki Congress upaadhyaksh ne yeh ehsaas hone ke baad apna sur badla hai ki aise vikalp ko samarthan dene ke baare mein unki party ke kai netaaon ke bayaanon ne iski chunaavi sambhaavnaaon ko 'Nuksaan' pahunchaaya hai. Loksabha chunaavon ke liye bache do charanon ke matadaan mein bhaajapa neet sarkaar banaane ke liye vote dene ki appeal karte hue bhaajapa ke pradhaanamantri pad ke ummeedavaar ne kaha ki Congress ne bhaavi sarkaar ko vyavadhaan pahunchaane ki saajish shuroo kar di hai, kyonki use pata hai ki vah Loksabha chunaav haar rahi hai. Modi ne kaha 'Unhonne socha ki agar ham haare to ham teesare morche ki madad kareinge. Congress ke kai netaaon ne aise bayaan diye. Jab unhein ehsaas hua ki isse unhein hi nuksaan ho gaya to Rahul bhaiya aaj ise badalne ki koshish karte dikhe. Vah ghabaraae hue hain. Unhonne kabhi naheen socha hoga ki unka taash ke patton ka mahal is tarah dharaashaayi ho jaaega. ' gaurtalab hai ki apne chunaav kshetr amethi ke do divseeya daure par aae Rahul Gandhi ne NDTV samvaadadaata umaashankar Singh se anaupachaarik baatcheet mein is savaal par ki desh mein kisi bhi dal ko sarkaar banaane laayak bahumat milne ki sambhaavana naheen hai, aise mein sthitiyaan banane par kya Congress teesare morche ko samarthan de sakti hai, Rahul ne 'Na' mein sir hilaaya aur kaha 'Ham kisi frant ko samarthan naheen deinge. ' (padhein- kisi frant ko samarthan naheen deinge Rahul) yeh poochhe jaane par ki kya Congress sarkaar banaane ke liye jodtod karegi, unhonne dobaara 'Na' mein sir hilaaya aur daava kiya, 'Ham poore number laaenge. '

Teesara Morcha Modi Ne Kaha Ki Rahul Kar Rahe Nuksaan Ki Bharpaai http://www.angrejinews.com/pic/49485