Team India 'Bhaagyashaali Hai Ki Uske Paas Dhoni Hai Boycott

Cricket »

Team India 'Bhaagyashaali Hai Ki Uske Paas Dhoni Hai  Boycott

London: England ke poorv kaptaan Geoffrey boycott ko lagta hai ki is samay bhaarateeya team 'Bahut ausat' hai, lekin 'Bhaagyashaali' hai ki uske paas Mahendra Singh Dhoni jaisa kaptaan hai, jo 'Team ke star mein kami' ke dosh ke liye aalochanaaon ka saamana kar raha hai. Boycott ne kaha, kya aap kaptaanon ko unki jeet aur haar ke anupaat se dekhte ho ya fir aap team ke star ko dekhte ho? Agar aap Bhaarat ke baare mein soch rahe ho to team mein star ki kami hai, team mein tej geindabaaji ke star ki kami hai, spin geindabaaji ke star ki kami hai aur aapke kuchh khilaadi sannyaas lena shuroo kar rahe hain. Kya aisa naheen hai? Unhonne kaha, 'Rahul Dravid aur VVS Lakshman ja chuke hain, sachin Tendulkar ne haal mein jyaada run naheen jutaae hain to kya yeh Dhoni ki galati hai? Boycott ne kaha, mujhe aisa naheen lagta. Main logon ko team ke jeetne ya haarne ke anupaat se naheen aankata. Aapko team ko dekhna hoga. Bhaarateeya team sach mein bhaagyashaali ho ki uske paas Dhoni hai. England ke khilaaf haal mein ghareloo test shrunkhala mein mili haar ke baad Dhoni ki kaafi aalochna ho rahi hai, haalaanki vah khud achhi form mein hain. Boycott ne kaha ki test kaptaan ke roop mein Dhoni ki kuchh seemaaen hain, lekin bhaarateeyon ke paas usaki jagah lene ke liye koi achha khilaadi naheen hai. Unhonne kaha, mujhe lagta hai ki vah shaanadaar ek divseeya kaptaan hai. Bahut logon ki tarah mujhe lagta hai ki uske paas khilaadiyon ke kaushal ka istemaal karne ki achhi netrutvakshamata hai, lekin takaneeki roop se test maichon mein isse kaheen thode jyaada ki jaroorat hoti hai, lekin aapke paas usaki jagah lene ke liye koi aur bhi naheen hai. Boycott ne kaha, aapke paas kaafi achhe khilaadi hain, lekin duniya ki anya stareeya team ki tulana mein aap bahut ausat ho aur aap ek ausat team ke saath naheen jeet sakte. Iske liye hamesha kaptaan ko doshi thaharaaya jaata hai. Jab team jeetati hai to kaptaan ki prashansa ki jaati hai, lekin mujhe lagta hai ki yeh anuchit hai. Unhonne kaha ki Dhoni ko team ke liye jimmedaar naheen thaharaaya ja sakta, kyonki Bhaarat aisi team hai, jo abhi badlaav ke daur se gujar rahi hai.

Team India 'Bhaagyashaali Hai Ki Uske Paas Dhoni Hai Boycott http://www.angrejinews.com/pic/389