Tata Teli Mein Dokomo Ka Stek Lene Ki Taiyaari Mein Tata Group

Business »

Tata Teli Mein Dokomo Ka Stek Lene Ki Taiyaari Mein Tata Group

[ deepaali gupta | Mumbai ] tata group ne enateeti dokomo ke saath milkar banaai gayi telecom joint veinchar tata teleservices mein enateeti dokomo ki 26.5 parseint hissedaari khareedne ke liye jaroori rakam alag rakh di hai. Maamale ki jaankaari rakhane vaale do logon ne bataaya ki tata group jis price ki ummeed kar raha hai, us par tata teli mein June ke ant tak teesare inavestar ka aa paana mumkin naheen dikh raha hai. Ghaate mein chal rahi tata teli se baahar nikalne ka faisala dokomo ne pichhle maheene kiya tha. Iska arth yeh hai ki tata group ko ya to dokomo ka stek khareedna hoga ya 2009 ke apne joint veinchar egreemet ke tahat is stek ka koi khareedaar talaashana hoga. Is samjhaute ke anusaar, agar June ke ant tak tata group koi khareedaar naheen dhoondh paata hai to use Japani telecom company ko ya to market linkd price dena hoga ya kam se kam 7,250 karod rupaye dene honge. Joint veinchar mein dokomo ne iski doguni rakam lagaai thi. Tata group khud telecom business se baahar nikalne ke raaste talaash raha hai. Sootron ke anusaar, isne apni telecom unit bechne ke liye vodaafon India se baatcheet ki thi. Desh mein 12 telecom oparetaron mein sabsakraaibars ki sankhya ke aadhaar par tata teli saatavein paayadaan par hai. Maamale ki jaankaari rakhane vaale ek vyakti ne bataaya ki dokomo ka tata teli se baahar niklana ek badi rananeeti ka hissa ho sakta hai, taaki vodaafon do ke bajaay ek hi vikreta se baatcheet kare. Tata teli aur vodaafon ne imel se bheje gaye savaalon ke javaab naheen diye. Haalaanki tata teli ke baare mein kisi bhi deal par baatcheet ki raah mein vailyooeshan ka roda aa sakta hai. Iski mukhya vajah company par mota karj hai, jiske chalte iski netavarth nigetiv ho gayi hai. Kisi bhi khareedaar ko nae telecom marjar aur ekvijishn rools ko lekar bhi chinta hogi, jismein kaha gaya hai ki khareedaar ko haasil baindavidth ke liye sarkaar ko market linkd price deni hi hogi, agar bikne waali company ne vah baindavidth neelaami mein boli lagaae bagair haasil kiya ho. Ek banker ne iti se kaha ki bhaari-bharakam karj aur ise chukaane ke liye aparyaapt praufit jenareshan ko dekhte hue teesare paksh ke liye company ki ikviti vailyoo behad kam hai.

Tata Teli Mein Dokomo Ka Stek Lene Ki Taiyaari Mein Tata Group http://www.angrejinews.com/pic/49696