Tata Ko Baai-baai Karegi Dokomo, Bechegi Hissedaari

Business »

Tata Ko Baai-baai Karegi Dokomo, Bechegi Hissedaari

Nai Delhi Japani telikaum company enateeti dokomo ne Bhaarat chhodne ka faisala kiya hai. Company jauint veinchar tata telisrvisej mein apni 26.5 feesadi hissedaari bech sakti hai. Enateeti dokomo ne ek bayaan jaari kar kaha hai ki company is saal June tak apni hissedaari bechne ki prakriya poori kar sakti hai. Jaankaaron ki maanein to enateeti dokomo ke is kadam se tata group ki companiyon par atirikt dabaav pad sakta hai. Jaankaaron ne bataaya ki pehle se hi 26,000 karod rupaye ke karj mein doobi company ko jab tak naya paartanar naheen mil jaata ya kisi ke saath vilay naheen hota hai tab us par kaafi dabaav hoga. Enateeti dokomo Bhaarat se nikalne waali doosari badi Japani company hai. Isse pehle pharma kshetr ki diggaj company daaichi saankyo ne rainabaiksi mein apni hissedaari san pharma ko bechne ka faisala kiya tha. Tata sans ke sootron ke mutaabik, dokomo ke baahar nikalne ke baad bhi tata telisrvisej group ki ikaai bani rahegi aur kaanoon ke daayare mein sheyaraholdars ke hit mein faisala liya jaaega. Tata telisrvisej mein tata group ki kul hissedaari 65 feesadi hai jabki 6.45 feesadi hissedaari temaasek holdings ke paas hai. Tata aur enateeti dokomo ke beech hue karaar ke tahat dokomo ke paas yeh adhikaar hai ki agar company apekshit pradarshan naheen karti hai to vah tata telisrvisej mein apni hissedaari adhigrahan moolya ke 50 feesadi bhaav ya uchit baajaar moolya par bech sakti hai. Dokomo ne March 2005 mein 13,070 karod rupaye ke nivesh se tata telisrvisej mein 26.5 feesadi hissedaari khareedi thi. Aise mein agar hissedaari bechi jaati hai to tata ko kam se kam 7250 karod rupaye ka bhugataan karna hoga.

Tata Ko Baai-baai Karegi Dokomo, Bechegi Hissedaari http://www.angrejinews.com/pic/48650