Tamil Nadu Sarkaar Ka Visfoton Ki Jaanch Mein Kendra Se Madad Lene Se Inkaar

Breaking »

Tamil Nadu Sarkaar Ka Visfoton Ki Jaanch Mein Kendra Se Madad Lene Se Inkaar

Nai Delhi: Tamil Nadu sarkaar ne chennai central railway station par ek train mein hue do visfoton ki jaanch mein kendra se madad lene se inkaar kar diya hai. Aisa lagta hai ki raajya filhaal ise aatanki hamle ke roop mein naheen le raha hai. kendra sarkaar ko visfoton ke pariprekshya mein enaesaji aur NIA ki teemein tatha foreinsik visheshagya chennai bhejane ka iraada tyaagana pada kyonki mukhyamantri J jayalalita ke netrutv waali pradesh sarkaar kaanoon vyavastha ke mudde par kendreeya agencyon ke kisi bhi hastakshep ke ekdam khilaaf hai. Raajya sarkaar ne kaha ki usaki police visfot ki jaanch ke liye poori tarah saksham hai. kendra ko ghatna ke baare mein bheje gaye javaab mein Tamil Nadu sarkaar ne keval iski kuchh jaankaari bhej di aur bataaya ki kis tarah Bengaluru Guwahati express mein chennai central railway station par aaj visfot hua. gruh mantraalaya dvaara byaura maangane par bheje gaye javaab mein ghatna ki poori report hai. Ismein kaha gaya ki visfot subah 7 bajkar 5 minute par train sankhya 12509 mein platform number 9 par hua. donon visfot coach number S-4 aur S-5 mein hue. Inmein ek mahila ki maut ho gayi aur 14 anya ghaayal ho gaye. Ghaayalon ka laaj Rajiv Gandhi general sarkaari aspataal mein ho raha hai. javaab mein bataaya gaya ki Tamil Nadu police ne maamala darj kar liya hai aur jaanch kaarya seebi-seeaaidi ko saunpa gaya hai. Hatya, gambhir chot pahunchaane, hatya ka prayaas, hatya ya ghaayal karne ke baad chori, railway sampatti ko nuksaan pahuchaane ke liye maamala darj kiya hai. Maamala bhaarateeya dand sanhita, visfotak padaarth kaanoon aur railway kaanoon ke tahat darj hai. Kendreeya gruh mantraalaya ke sootron ka kehna hai ki Tamil Nadu sarkaar is visfot ko aatanki hamla maanati naheen dikhti aur vah raajya police evam raashtreeya jaanch agency (NIA) dvaara sanyukt jaanch ki peshakash par bhi chup hai. gruh mantraalaya ke ek varishth adhikaari ne kaha, ''Jab raajya sarkaar filhaal ise aatanki hamla naheen maan rahi hai to ham kya karein. '' gruh mantraalaya ke adhikaariyon ne fir bhi kal foreinsik visheshagyon ka ek dal bhejane ka faisala kiya hai taaki visfot ki prakruti ka pata lagaaya ja sake. visfot mein 24 saal ki ek mahila ki maut ho gayi aur 14 anya ghaayal ho gaye. Raashtrapati Pranab mukharji, pradhaanamantri Manmohan Singh, jayalalita ne is ghatna ki ninda ki hai. gruh mantri susheel Kumar shinde ne kaha ki unhonne adhikaariyon ko nirdesh diya hai ki raajya sarkaar ko harsambhav madad muhaiya karaayi jaae. kendreeya gruh sachiv anil Goswami ne kaha ki kendra sarkaar Tamil Nadu sarkaar ke niyamit sampark mein hai aur vah harsambhav madad muhaiya karaane ko taiyaar hai.

Tamil Nadu Sarkaar Ka Visfoton Ki Jaanch Mein Kendra Se Madad Lene Se Inkaar http://www.angrejinews.com/pic/49263