Tamil Nadu Mein 7 February Ko Release Hogi 'Vishvaroopam

India »

Tamil Nadu Mein 7 February Ko Release Hogi 'Vishvaroopam

Chennai: Kamal Hassan ne vivaadaaspad film 'Vishvaroopam' ko Tamil Nadu mein aagaami saat February ko release karne ki ghoshana ki. Isse pehle khabar I thi ki Tamil Nadu mein apni film vishvaroopam par ban ke khilaaf court ki sharan mein gaye kamal Hassan ne daayar mukadama vaapas lene ka faisala kiya hai. Shanivaar ko kamal Hassan aur film ke kuchh scene ka virodh kar rahe logon ke beech samjhauta ho gaya tha. Tamil Nadu mein jilaadhikaariyon ne ravivaar ko kamal Hassan ki vivaadit film 'Vishvaroopam' par lagaaya pratibandh hata diya tha, jisse raajya mein film ke pradarshan ka raasta saaf ho gaya. Shanivaar ko film ke abhineta aur nirdeshak kamal aur iska virodh kar rahe muslim samoohon ke beech samjhauta ho gaya tha. Sarkaari sootron ne bataaya ki jilaadhikaariyon ki nishedhaagya ko hata diya gaya hai, haalaanki unhonne vistrut byora naheen diya. Gaurtalab hai ki sachivaalaya mein gruh sachiv aar Rajgopal ki maujoodagi mein shanivaar ko chhah ghante tak chali baatcheet ke baad Hassan ne kaha ki ve kuchh audio hisse hataane ko raaji ho gaye hain. Unhonne film par pratibandh ke khilaaf High Court mein daayar mukadama vaapas lene ka bhi prastaav diya tha. Is film ka virodh karne vaale kuchh muslim sangathanon ka aarop tha ki ismein kuchh aise drushya hain, jinse unki dhaarmik bhaavanaaen aahat hoti hain. Hassan ne kaha ki ve kuchh audio hisse hataane ko raaji ho gaye hain. Unhonne ummeed jataai ki ab jald hi film par lagi paabandi hata li jaaegi. Kareeb 100 karod rupaye ki laagat se banaai gayi is film ke abhineta Hassan ne samvaadadaataaon se kaha, vichaar-vimarsh ke turant baad ham release ki taareekh ghoshit kar deinge. Ham apni takaneeki team se bhi vichaar-vimarsh kareinge.

Tamil Nadu Mein 7 February Ko Release Hogi 'Vishvaroopam http://www.angrejinews.com/pic/1032