TRS Pramukh Ne Congress Ko Dhokha Diya Soniya Gandhi

Breaking »

TRS Pramukh Ne Congress Ko Dhokha Diya  Soniya Gandhi

File photo File photo Hyderabad: Congress adhyaksh soniya Gandhi ne ravivaar ko telangaana raashtra samiti (TRS) par nishaana saadhate hue kaha ki iska avasaravaadi chehara ekabaar fir ujaagar hua hai. Unhonne TRS pramukh ke. Chandrashekhar Rao par Congress mein party ke vilay ke apne vaade se peechhe hatkar dhokha dene ka bhi aarop lagaaya. telangaana mein ek sabha ko sambodhit karte hue soniya ne kaha ki TRS ki sirf satta mein ruchi hai. Rao ka naam liye bagair unhonne kaha, 'TRS pramukh sanyukt pragatisheel gathabandhan ke saajheedaar the, lekin unhonne kabhi apna vaada poora naheen kiya. Unhonne hamein dhokha diya. Unki gatividhi se pata chalta hai ki vah hamaare saath telangaana ke liye naheen, balki apne nihit svaarth ke liye the. Ab ve is dushprachaar mein jute hain ki jaise unhonne hi telangaana ka gathan karaaya hai. ' Hyderabad se kareeb 60 kilometer door rangaareddi jile ke chevella mein aayojit ek chunaavi rally ko sambodhit karte hue unhonne kaha, 'TRS isse pehle saampradaayik taakaton ko samarthan de rahi thi aur is baar bhi usapar bharosa naheen kiya ja sakta. ' soniya ne kaha ki TRS ko bhi vahi beemaari lagi hui hai jisse bhaarateeya janta party (BJP) grasit hai. telangaana ki pehli sarkaar chunate hue logon se satark rahane ki appeal karte hue soniya ne kaha, 'Ve apne netaaon ke alaava aur kisi ko bhi naheen dekhna chaahate. Is tarah ki pravrutti waali party par bharosa naheen kiya ja sakta. Ve gareebon, alpasankhyakon aur mahilaaon ki paravaah naheen karte. Ve keval svaarth saadhate hain. Aise anaitik logon ke haathon mein raajya surakshit naheen rah sakta hai. ' telangaana mein prachaar ke doosare daure par Congress adhyaksh I hui theen. Andhra pradesh mein Loksabha chunaav ke saath hi vidhaanasabha ke liye bhi chunaav karaae ja rahe hain. Telangaana kshetr mein 30 April ko matadaan karaae jaaenge. soniya ne kaha ki TRS ke neta hamesha kehte hain ki kaangras telangaana ka gathan naheen karegi aur ab jab party ne telangaana ka gathan kar diya hai to ve iska shreya lootane mein lage hain. Unhonne kaha ki Congress ne raajaneetik dalon ke beech sahamati banaane mein bhaari kathinaaiyon ka aur yahaan tak ki raajaneetik nuksaan ka saamana kiya, lekin yeh peechhe naheen hati. telugu desham party, vaaiesaaar Congress aur bhaajapa ne apne rukh badal liye, lekin Congress ne telangaana ke logon ki ummeedon ke saath koi samjhauta naheen kiya.

TRS Pramukh Ne Congress Ko Dhokha Diya Soniya Gandhi http://www.angrejinews.com/pic/48795