'Svatantr Arthavyavasthaaen Naheen Hain Bhaarat Aur Cheen

Business »

'Svatantr Arthavyavasthaaen Naheen Hain Bhaarat Aur Cheen

Washington: Asia aur prashaant kshetr mein haalaanki duniya ki sarvaadhik svatantr arthavyavasthaaen hain, lekin Bhaarat aur cheen ka naam svatantr arthavyavasthaaon mein shumaar naheen hai. 'Vaal street journal' aur 'The heritage foundation' ki or se varsh 2013 ke liye jaari duniya ki svatantr arthavyavasthaaon ki soochi mein Bhaarat ka 119vaan aur cheen ka 136vaan sthaan hai. 'Vaal street journal' aur 'The heritage foundation' ki guruvaar ko jaari svatantr arthavyavasthaaon ki soochi mein Hongkong lagaataar 19veen baar sheersh sthaan par hai, jabki uttar Korea sabse nichle sthaan par hai. Soochi mein haalaanki Asia evam prashaant kshetr ko svatantr arthavyavasthaaon ka kendra bataaya gaya hai, lekin yeh bhi kaha gaya hai ki yahaan deerghakaalik aarthik vikaas ka aadhaar prabhaavi kaaryaatmak kaanooni dhaanche ke bagair ab bhi asthaai hai. Soochi ke sampaadakon ke anusaar, "Baajaaronmukhi sudhaar ke saath vikaas aniyamit hai aur yathaasthiti bahaal rakhane vaalon ke raajaneetik dabaav mein kabhi-kabhi inhein vaapas bhi lena padta hai. " Soochi mein Hongkong ke baad doosare sthaan par Singapore, teesare sthaan par Australia aur chauthe sthaan par New Zealand hai, jabki America ka ismein 10vaan sthaan hai. Soochi taiyaar karne ke liye vibhinn deshon ka adhyayan chaar pramukh drushtikon- kaanoon ke shaasan, niyaamak prabhaav, sarkaar ki seema tatha khule baajaar ke sandarbh mein kiya gaya. Soochi mein 177 deshon ko shaamil kiya gaya hai. Europe ko doosra sarvaadhik svatantr kshetr bataaya gaya hai to uttari America ko aarthik svatantrata ki drushti se sarvaadhik behtar kshetr bataaya gaya hai. Ismein 32 deshon ki aarthik svatantrata ki sthiti mein sudhaar bataaya gaya hai to keval nau deshon dvaara aarthik svatantrata khone ki baat kahi gayi hai. Europe mein Switzerland ko ekamaatr 'Svatantr' arthavyavastha bataaya gaya hai, jabki Ukraine tatha Belarus ki ginti 'Dabaavayukt' arthavyavasthaaon mein ki gayi hai.

'Svatantr Arthavyavasthaaen Naheen Hain Bhaarat Aur Cheen http://www.angrejinews.com/pic/268