Sushma Swaraj Hon Pradhaanamantri Pad Ki Ummeedavaar Shivsena

India »

Sushma Swaraj Hon Pradhaanamantri Pad Ki Ummeedavaar  Shivsena

Mumbai: Agale Loksabha chunaav mein pradhaanamantri pad ke raajag ke ummeedavaar ke taur par varishth bhaajapa neta yashavant sinha ki or se Gujarat ke mukhyamantri Narendra Modi ke naam ki himaayat kiye jaane ke ek din baad shivsena ne aaj is pad ke liye Loksabha mein vipaksh ki neta Sushma Swaraj ke naam ka samarthan kiya. Raajag ke aham ghatak shivsena ke pravakta sanjaya Raut ne kaha, ham mahasoos karte hain ki Sushma Swaraj pradhaanamantri pad ke liye upayukt ummeedavaar hain. Raut ne kaha ki shivsena ke divangat poorv pramukh baal Thackeray ne bhi pradhaanamantri pad ke raajag ke ummeedavaar ke liye Sushma ke naam ki himaayat ki thi. Is beech BJP se chhah saal ke liye nilambit Ram Jethmalani bhi Narendra Modi ko lekar yashavant sinha ke samarthan mein utar gaye hain. Ram Jethmalani ne kaha ki pradhaanamantri pad ke liye desh ka mood Narendra Modi ke paksh mein hai. Udhar, shivsena ne Rajkot mein ek match mein Pakistani cricket team ko khelne ki ijaajat dene par bhaajapa ke hindutv ke 'Poster byauya' maane jaane vaale Modi ki haal hi mein kadi aalochna ki thi. Shivsena mukhapatr 'Saamana' mein ek sampaadkeeya mein kaha gaya tha ki Pakistan ke saath Bhaarat ke talkh rishton ke chalte jahaan Gujarat sarkaar ne 'Vaaibraint Gujarat' sammelan mein shaamil hone aae 22 sadasyeeya Pakistani shishtamandal ko lauta diya, ek pakhavaada pehle samoochi Pakistani cricket team Rajkot mein khel rahi thi. Saamana ke sampaadkeeya mein likha gaya tha, agar Modi sarkaar ne usi tarah Pakistani cricketeron ko lauta diya hota to raashtravaad ke mudde par Gujarat ki ek aur upalabdhi hoti. Maharashtra aur Gujarat ko Pakistaniyon ke saath ladne ke liye haath milaana chaahiye.

Sushma Swaraj Hon Pradhaanamantri Pad Ki Ummeedavaar Shivsena http://www.angrejinews.com/pic/587