Sushma Ne Cheen Se Kaha, Aapasi Vishvaas Badhaana Chaahiye

India »

Sushma Ne Cheen Se Kaha, Aapasi Vishvaas Badhaana Chaahiye

Nai Delhi Dokalaam mein cheeni sainikon ke sardi mein bhi date hone ke beech videsh mantri Sushma Swaraj ne cheen ke videsh mantri vaang yi se kaha hai ki hamein aapasi vishvaas badhaana chaahiye, baar-baar milna chaahiye. Sushma ne somvaar ko yahaan cheen aur roos ke videsh mantriyon se alag-alag mulaakaat ki. Cheen ke videsh mantri ke saath dwipaksheeya mulaakaat ko videsh mantraalaya ke pravakta ne positive aur bhavishya ki or dekhne wala bataaya aur kaha ki isse donon deshon ke rishton ko nai gati milegi. Yeh baithak aise samay mein hui hai, jab cheen ke sainik pehli baar sardiyon mein dokalaam ilaake mein bane hue hai, jabki is ilaake mein bhaarateeya sainikon se unka aamana saamana khatm hone ka daava kiya gaya tha. Cheen ke videsh mantri ne yahaan aane se pehle ravivaar ko kaha tha ki cheen apne samprabhuta ke adhikaaron aur hiton ke saath kshetreeya akhandata ko kaayam rakhane ke liye drudh hai. Bhaarat ke sainikon ne cheen ke dong laang (dokalaam) ilaake mein dakhal diya tha, tab raashtreeya hit mein humne ise ground par sanyam ke saath haindal kiya. Humne bhaarateeya paksh ke saath kootaneetik maadhyam se kaam kiya, jisse usane apne upakaran aur karmiyon ko hata liya. Vaang yi ne kaha tha ki ham Bhaarat ke saath sambandhon ko mahatva dete hain, saath hi kshetreeya shaanti aur sthirta banaae rakhane ki jimmedaari samajhte hain. Hamaara maanana hai ki jab tak ham gahan saamarik maamalon par samvaad karte raheinge, gadbadi ko turant door kareinge, draigan aur haathi ka dance saath ho sakta hai, 1 + 1 = 11 ho sakta hai. Bhaarat aur cheen ke videsh mantriyon ke beech 15 minute ki baatcheet ke baare mein yahaan sootron ne bataaya ki aapasi hit ke sabhi muddon par charcha hui, lekin gatirodh ke puraane muddon ko haavi hone naheen diya gaya, is baat par focus kiya gaya ki donon desh kis tarah milkar kaam kar sakte hain.

Sushma Ne Cheen Se Kaha, Aapasi Vishvaas Badhaana Chaahiye http://www.angrejinews.com/pic/183540